Urkunde Nr. 1820 aus Band IV

Seite im UB:

44-48

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1248 - Abt.42: K. A. Stolzenburg [Parohia Ev. CA Slimnic], Nr. 12.

Druckvorlage:

nach Original

Abdruck als:

Volltext

Sprache:

Latein

---

1820

Konstanz 1417 Juli 6 Pantaleon, päpstlicher Auditor, verwarnt Nikolaus, den Pfarrer von Salzburg, und ersucht ihn, die Michael, dem Pfarrer von Stolzenburg, zugesprochenen Zehnten herauszugeben.

Pantaleon²⁾ de Bredis de Vtino decretorum doctor sedis apostolicae capellanus eiusque camerarii³⁾ curiaeque causarum camerae apostolicae generalis auditor universis et singulis dominis abbatibus, prioribus, praeposilis, decanis, archidiaconis, scholasticis, thesaurariis, cantoribus, custodibus, sacristis tam cathedralium quam collegiatarum [S. 45] canonicis parochialiumque ecclesiarum rectoribus seu loca tenentibus, eorundem plebanis, viceplebanis, capellanis, presbyteris curatis et non curatis clericis, notariis et tabellionibus publicis quibuscumque per civitatem et diocesim Strigoniensem¹⁾ et alias ubilibet constitutis et eorum cuilibet in solidum, ad quem vel quos praesentes nostrae literae pervenerint seu fuerint praesentatae, salutem in domino ac nostris immoverius apostolicis et huiusmodi sacri generalis²⁾ Constantiensis generalis²⁾ concilii firmiter obedire mandatis. Noveritis quod nuper pro parte honorabilis viri domini Michaelis rectoris parochialis ecclesiae in Stolzenberg, Strigoniensis diocesis cuiusdam diffinitivae sententiae³⁾ pro dicto domino Michaele et contra et adversus quendam Nicolaum rectorem parochialis ecclesiae de Salisvodia dictae Strigoniensis diocesis per venerabilem et circumspectum virum dominum Johannem de Bononia decretorum doctorem ac sacri palatii apostolici causarum auditorem in causarum²⁾ et causis vertentibus²⁾ et quae vertebatur inter dictos dominum Michaelem ex una et Nicolaum de et super iure decimandi et ipsius occasione partibus ex altera, promulgatae atque latae unacum fructuum decimarum a tempore motae litis huiusmodi per ipsum Nicolaum perceptorum necnon⁴⁾ expensarum in hac causa legitima⁵⁾ factarum condemnatione necnon quibusdam aliis instrumentis publicis manibus notariorum publicorum subscriptis et signatis productis subsequenter fuit nobis per honorabilem virum dominum Johannem Carnificis capellanum et dicti domini Michaelis in Romana curia procuratorem, prout de suo procurationis mandato nobis sufficienter exstitit edoctum, expositum cum querela, qualiter dictus dominus Nicolaus eidem domino Michaeli de decimis et expensis in quibus sibi condemnatus exstitit nondum satisfecit neque satisfacere curat de praesenti. Quare sibi de⁶⁾ remedio opportuno desuper providere necnon literas citatorias et monitorias contra et adversus dictum dominum Nicolaum ac omnes et singulos dictae ecclesiae in Salisuodia debitores, fructuarios, ⁷⁾ reddituarios, decimatores, colonos ac quorumcumque fructuum, reddituum, proventuum, iurium et obventionum ad dictam parochialem ecclesiam in Salisuodia spectantium et pertinentium collectores extra Romanam curiam et ad partes in forma solita et consueta decernere et concedere dignaremur. Nos igitur Panthalion auditor praefatus attendentes requisitionem huiusmodi fore iustam et consonam rationi idcirco auctoritate apostolica et huiusmodi sacri gene- [S. 46] ralis Constantiensis concilii vos omnes et singulos supra dictos et vestrum quemlibet requirimus et monemus primo, secundo, tertio et peremptorie vobisque nihilominus et vestrum cuilibet in virtute sanctae obedientiae et sub excommunicationis poena, quam in vos et vestrum quemlibet ferimus in his scriptis, nisi feceritis quod mandamus, districte praecipiendo mandantes, quatenus infra sex dierum spatium post praesentationem seu notificationem praesentium et postquam pro parte dicti domini Michaelis praesentium vigore super hoc fueritis requisiti aut alter vestrum fuerit requisitus ita, quod in his exequendis unus vestrum alium non exspectet nec unus pro alio se excuset, praenominatum dominum¹⁾ Nicolaum rectorem parochialis ecclesiae in Salisuodia Strigoniensis²⁾ requiratis et moneatis sub excommunicationis poena, quam in cum ex nunc prout ex tunc et ex tunc prout ex nunc ferimus in his scriptis canonica monitione praemissa, quatenus infra triginta dierum spatium post monitionem et requisitionem vestram³⁾ huiusmodi ei factam immediate sequentium eidem domino Michaeli vel procuratori⁴⁾ suo legitimo desuper mandatum habenti de praemissis omnibus et singulis decimis et expensis, in quibus tam in partibus quam in curia Romana, ut ex documentis coram nobis productis apparet, condemnatus exstitit, integre, plenarie, realiter et cum effectu satisfaciat aut cum eodem domino Michaele seu procuratore⁵⁾ suo legitimo interim componat super eisdem. Requirentes nihilominus omnes et singulos fructuarios, reddituarios⁶⁾ et alios quoscumque pro parte dicti domini Mychaelis vobis nominandos et ceteros supra dictos primo, secundo, tertio et peremptorie eisque nihilominus in virtute sanctae obedientiae et sub excommunicationis poena, quam⁷⁾ canonica monitione praemissa ferimus in his scriptis, nisi fecerint quod mandatis, districte praecipiendo mandantes eisdem et eorum cuilibet, quibus nos etiam sic praecipimus et sub excommunicationis poena, quam in eos⁸⁾ et eorum quemlibet canonica praemissa monitione ex nunc prout ex tunc⁹⁾ et ex tunc prout ex nunc ferimus in his scriptis et etiam promulgamus, tenore praesentium mandamus, quatenus dicto triginta dierum monitionis termino elapso nulli alteri quam dicto domino Michaeli seu eius procuratori legitimo de huiusmodi debitis, fructibus, redditibus, proventibus, iuribus et obventionibus dictae parochialis ecclesiae de Salisbodia¹⁰⁾ usque ad dictorum condemnatorum plenam et integram satis- [S. 47] factionem respondeant aut responderi quantum in eis fuerit permittant, dictoque domino Nicolao quo ad eius statum et vitae competentiam¹⁾ congrua et debita portione ex eisdem semper reservata. Insuper inhibemus eidem domino Nicolao, ne sub simili excommunicationis poena se²⁾ de praemissis fructibus, redditibus, proventibus, iuribus, decimis et obventionibus universis ultra quam portionem sibi per nos superius reservatam ante³⁾ dictorum condemnatorum plenam eidem domino Michaeli satisfactionem intromittat. Si vero in praemissis sentiant seu eorum aliquis sentiat⁴⁾ gravatum, tricesima die post monitionis⁵⁾ et requisitionis dies huiusmodi⁶⁾ immediate sequenti, si dies ipsa tricesima iuridica fuerit et nos vel alter loco nostri interim surrogandus ad iura reddenda pro tribunali sederimus vel sederit, alioquin prima die iuridica ex tunc immediate sequente, qua nos vel surrogandum praedictum Constantiae⁷⁾ vel alibi, ubi tunc forsan Romana curia residebit, in audientia causarum qua⁸⁾ nos⁸⁾ pro tribunali sedere contigerit, compareant in iudicio legitime coram nobis vel dicto surrogando per se vel procuratorem seu procuratores suos idoneos causam gravaminis allegaturi aliasque se dictam excommunicationis sententiam incidisse declaraturi ac facturi, audituri et recepturi id quod iustitia suadebit et ordo dictaverit rationi. Certificantes nihilominus vos omnes et singulos supra dictos et eorum quemlibet, quod sive in dicto citationis termino aut interim coram nobis comparere non curaverint, nos nihilominus et dictus surrogandus ad declarationem huiusmodi et ulteriora procedemus dictorum citatorum absentia seu contumacia in aliquo non obstante. Diem vero sive dies requisitionis et monitionis ac inhibitionis vestrarum huiusmodi atque formam et quidquid in praemissis feceritis aut alter vestrum fecerit nobis vel dicto surrogando per vestras patentes literas sigillis authenticis⁹⁾ sigillatas aut instrumentum publicum harum seriem seu designationem in se continentes sive continens remissis praesentibus quam totius poteritis fideliter intimare curetis. Absolutionem vero omnium et singulorum, qui praefatas nostras sententias aut earum aliquam incurrerint seu incurrerit quoquomodo, nobis vel superiori nostro dumtaxat reservamus. In quorum omnium et singulorum fidem et testimonium praemissorum praesentes nostras literas exinde fieri et sigilli reverendi patris et domini, domini episcopi Militensis, cum proprio de praesenti careamus sigillo, iussimus appensione [S. 48] communiri. Datum et actum Constantiae provinciae Maguntinae in domo habitationis nostrae nobis inibi hora vesperarum pro tribunali sedentibus, sub anno a nativitate domini millesimo quadringentesimo decimo septimo, indictione decima, die vero Martis sexta mensis Julii, apostolica sede vacante.

Von einer zweiten, gleichzeitigen Hand: Hermannus Spaen dictae curiae notarius subscripsit.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-3 auf S. 44 (1 zu voranstehender Urkunde), 1-7 auf S. 45, 1-10 auf S. 46, 1-9 auf S. 47.^{^}
[S. 44]
1) Hierauf: pollencium unterpunktiert. ^{^}
2) Ursprüngtich: Pantalion.^{^}
3) So Vorlage.^{^}
[S. 45]
1) Vorlage: Stringoniensem.^{^}
(2) So Vorlage. [4x]^{^}
3) Scilicet: promulgatae atque latae instrumentis publicis productis fuit nobis expositum.^{^}
4) Vorlage: nec.^{^}
5) a auf Rasur. ^{^}
6) Hierauf wieder: de.^{^}
7) Vorlage: fructuarias.^{^}
[S. 46]
1) Vorlage: praenominatos dominos.^{^}
2) Scilicet: diocesis.^{^}
3) Vorlage: vestrarum.^{^}
4) Vorlage: procuratoris.^{^}
5) Vorlage: procuratori.^{^}
6) Vorlage: reddituros.^{^}
7) Fehlt in der Vorlage. ^{^}
8) Vorlage: eorum.^{^}
9) Vorlage: tunc [Abkürzungsstrich über c].^{^}
10) So Vorlage. ^{^}
[S. 47]
1) Vorlage: competen [Abkürzungsstrich über n].^{^}
2) Vorlage: ne, über der Zeile nachgetragen. ^{^}
3) Sciticet: satisfactionem.^{^}
4) Scilicet: se.^{^}
5) Vorlage: monitiom [Abkürzungsstrich am Wortende über m].^{^}
6) Hierauf: s.^{^}
7) Vorlage: surrogandus praedcm Constan [Abkürzungsstriche über Wortenden cm und n].^{^}
8) So Vorlage. [2x]^{^}
9) Vorlage: auctenticis.^{^}