Urkunde Nr. 447 aus Band I

Seite im UB:

403-405

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

447

1326 Juni 12 König Karl bestätigt dem siebenbürgischen Bischof den abgabenfreien Bezug des Salzzehnten von Szek, Kolozs, Deésakna und Thorda und dem Weissenburger Kapitel den abgabenfreien Salzbezug von Thorda.

Karolus dei gratia Hungariae. Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque rex, princeps Sallernitanus et honoris ac montis sancti Angeli dominus omnibus Christi fidelibus praesentibus et futuris praesentium notitiam habituris salutem in omnium salvatore. Quoniam bonae rei dare consultum et praesentis habetur vitae subsidium et aeternae remunerationis exspectatur praemium, hoc salubre [S. 404] consilium principi proponitur, quod quis cui tribuit, competens subsidium conferat et cui adimit gravia damna non infligat, nec sufficit principem beneficium donationis impendere si impedimento turbatum libere non procedit, illud etiam potest aeque bene¹⁾ inferri, quod non solum ille qui bonum incipit denario domini dignus habetur, sed etiam ille, qui priora continuat, dirigit et dotat praerogativa libertate, videtur enim ad bonum torpere, qui ab alio factum illud negligit conservare. Proinde est quod venerabilis in Christo pater Andreas dei et apostolicae sedis gratia episcopus Transsiluanus ad nostram praesentiam accedens suaeque fidelitatis servitia exponens proposuit et supplicavit in hunc modum, quod decimae salium de Zekakna, de Kulusakna, de Deesakna et de Torda sibi et ecclesiae suae ratione donationum sanctorum regum progenitorum et antecessorum nostrorum ab antiquo factae et concessae debitae et provenientes per indebitas exactiones tributorum et per angarias in vecturis terrestribus et aquaticis impedirentur et turbarentur et in damnum converterentur, in ipsius et ecclesiae suae non modicum praeiudicium et gravamen, petens a nobis supplici cum instantia, ut super his de remedio opportuno et de immunitate ac indemnitate regali gratia providere dignaremur. Nos itaque auditis ipsius domini episcopi iustis supplicationibus et petitionibus attendentes, quod saluti nostrae tunc bene providemus, si beneficia priorum in suo iure cum pleno affectu conservamus non enim ordine virtutum minori sede sed et illud tueri, quod partum est, quam ex novo condere actus gratiarum, cupientes igitur piae considerationis affectibus conscientiam nostram informare et pro tot et tantis bonis gubernaculo nostri regiminis divina miseratione creditis volentes aliqualiter correspondere, praedictam donationem decimarum salium in praedictis locis ipsi domino episcopo ot suae ecclesiae provenientium confirmamus, ratificamus et ex provisione novae nostrae gratiae talem libertatem et huiusmodi exemptionis privilegium et immunitatem concedimus et adiicimus praesentis privilegii auctoritate praedictos sales decimales a vaivoda Transsiluano et ab omnibus officialibus et comitibus suis et a comitibus camerae nostrae et offcialibus eorundem in omnibus eximentes in hunc modum, quod iidem dominus episcopus et sui officiales sales decimales in Zeekakna, in Kulusakna, in Deesakna et in Torda etiam capituli eiusdem ecclesiae beati Michaelis ibidem in Torda de salifodina ipsorum libere percipient et libere deferri faciant tam in aquis, quam in terris propriis vel quocumque eis placuerit in vecturis absque omni exactione tributorum et absque alicuius alterius impedimenti gravamine et difficultate. Ita quod nullus vaivoda Transsiluanus pro tempore constitutus vel sui officiales, item nec comes vel comites camerarum nostrarum pro tempore constituti nec eorum officiales et specialiter nec comes de Zonuk aliquam exactionem tributi vel alicuius alterius generis exactionem nec aliquam aliam molestiam, difficultatem et impedimenta inferre per se vel per alios palam vel occulte audeant vel praesumant, sed praedictos sales decimales, tamquam ab omni exactione tributi vel alterius alicuius generis exactione exemptos ubique in regno nostro libere deferre permittant tam per terras quam per aquas. In cuius rei memoriam firmi- [S. 405] tatemque perpetuam praesentes concessimus literas novi et authentici sigilli nostri duplicis munimine roboratas. Datum per manus discreti viri magistri Endreae praepositi ecclesiae Albensis et aulae nostrae vicecancellarii dilecti et fidelis nostri, anno dominicae incarnationis M^mo trecentesimo vigesimo sexto, secundo Idus Junii, regni autem nostri anno similiter vigesimo sexto. Venerabilibus in Christo patribus dominis Bolezlao Strigoniensi locique eiusdem comite perpetuo et fratre Ladizlao Colocensi, aulae nostrae cancellario archiepiscopis, Johanne Nitriensi, Benedicto Chanadyensi, Nicoiao Jauriensi, Georgio Syrmiensi, fratre Petro Boznensi, Ladizlao Quinqueecclesiensi, Iwanka Waradyensi, Herrico Wesprimiensi aulae dominae reginae consortis nostrae carissimae cancellario et Chanadino Agriensi ecclesiarum episcopis, ecclesias dei feliciter gubernantibus. Magnificis viris Philippo palatino, comite Scepsiensi et de Wyuar, Demetrio magistro tavernicorum nostrorum, eomite Bachiensi et Trinchiniensi, Alexandro iudice curiae nostrae, Thoma vaivoda Transsiluano et coniite de Zonuk, Mykch bano totius Sclauoniae et comite Supruniensi, Paulo bano de Machou et eomite Syrmiensi, Deseu iudice curiae dominae reginae praedictae, Blasio magistro agasonum nostrorum, Dionisio magistro dapiferorum nostrorum, Nicolao comite Posoniensi et aliis quam pluribus comitatus regni nostri tenentibus et honores.


1) Vorlage: bone.^{^}