Urkunde Nr. 1842 aus Band IV

Seite im UB:

75-77

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 28.

Druckvorlage:

nach Original

Abdruck als:

Volltext

Sprache:

Latein

---

1842

Konstanz 1418 April 17 König Sigmund trägt dem Bischof von Siebenbürgen und der Hermannstädter Provinz auf, die Besitzungen der Kerzer Abtei Deutsch-Kreuz, Klosdorf und Meschendorf gegen Übergriffe der Kastellane von Talmesch zu schützen.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae, Dalmaciae, Croaciae et cetera rex fidelibus nostris devoto et dilecto reverendo in Christo patri domino episcopo Transsiluano necnon comiti regali et iudicibus provinciae Cibiniensis partium nostrarum Transsiluanarum praesentibus et futuris, quibus praesentes ostenduntur, salutem et gratiam. Gravis querela pro parte fidelium nostrorum devotorum abbatis et conventus monasterii beatae Mariae virginis de Candelis, Strigoniensis dioecesis nobis oblata nostrae admodum exacerbavit animum maiestatis, quod quamquam praedictum monasterium ad honorem dei et eius genitricis virginis intemeratae per divos reges Hungariae nostros ut puta praedecessores pro Christi fidelium salvatione celeberrime constructum et fundatum possessionibusque ac villis et aliis iuribus et libertatum praerogativis dotatum et fulcitum et ex consequenti abbas et conventus supradicti regiae maiestatis protectione speciali gaudentes a quorumlibet magnatum, baronum et signanter vaivodae et vicevaivodae, castellanorum, comitum et nobilium [S. 76] ceterorumque officialium saecularium in praedictis partibus nostris Transsiluanis pro tempore constitutorum impetitionibus et vexationibus illaesi permanere ac soli deo solitum obsequium in ipso monasterio persolvere debuerint et praestare, nihilominus tamen quidam castellani et vicecastellani cuiusdam castri nostri Rukbas nuncupati, quod iam a certi temporis intervallo citra diruptum foret, praeteriti et nunc exsistentis quibusdam abusivis novitatibus, immo potius corruptelis adinventis et introductis, quae iam quamvis omnino indebite et irrationabiliter quasi in ius essent redactae praedicti monasterii villanis seu populis et iobagionibus, signanter in possessionibus Crucz, Closdorf et Meschendorff vocatis commorantibus, unde praescriptum monasterium non modicum emolumentum habere consuevisset, diversas exactiones, talias et dacias aliasque extorsiones imponere ab eisdemque incompassibiliter exigere et violenter extorquere non formidassent et quas etiam moderni castellani nostri castri Tolmach nuncupati, huiusmodi corruptelis pro iure sibi fictis et allegatis durius imponere, exigere et extorquere non formidarent, propter quod cultus divinus in praedicto monasterio vigere solitus continuo diminutus exstitisset et decresceret in detrimentum fundatorum praedicti monasterii et salutis animarum eorundem. Supplicatum itaque nostrae celsitudini exstitit pro parte praedictorum abbatis et conventus tam devote quam humiliter, quatenus divinae maiestatis contemplatione et pro honore intemeratae virginis Mariae, sub cuius nomine glorioso praedictum monasterium fundatum exsistit, eis circa praemissa regali remedio dignaremur succurrere opportuno. Verum quia nos officii nostri regii regiminis coelitus nobis dediti debito exposcente inter alias curas nostrae sollicitudini commissas eis, quae ecclesiarum omnium conditarum¹⁾ commodum, profectum et augmentum tangere dinoscuntur accuratius invigilare innitimur, ut sublatis ab eis adversitatibus Christique nomine interpellato, ipsi soli liberalius serviatur, igitur cupientes in praedicto monasterio, quod per nostros praedecessores reges ut puta Hungariae celeberrime fundatum exsistit ac possessionibus, villis et ceteris libertatum praerogativis dotatum, quorum etiam corpora ibidem exsistunt tumulata, solilum obsequium altipotenti libere persolvi et praestari, quod absque emolumentis ad hoc correquisitis nullatenus potest debite exerceri, fidelitatem vestram attente requirimus et rogamus eidem firmissimo regio mandantes sub edicto, quatenus habita praesentium notitia, ad loca propterea nominata accedentes, vos tam vivis quam etiam literalibus documentis super praemissis certocertius informantes, manus universorum et quorumlibet tam praedictorum castellanorum et vicecastellanorum, quam etiam aliorum officiariorum et ceterorum occupatorum illicitorum cuiuscumque conditionis, status et praeeminentiae exsistant, qui se de praemissis modo ut prae- [S. 77] fertur ingessissent seu ingererent in futurum, de praedictis possessionibus ac quibuslibet rebus et bonis praedicti monasterii iure et libertatibus eiusdem exigentibus, totiens quotiens fuerit opportunum superindeque fueritis serie praesentium requisiti, excipiendo et removendo nullas de cetero taxas, exactiones, dacias seu munera quaecumque contra voluntatem praefatorum abbatis et conventus per quoscumque super praedictas possessiones et quaecumque bona alia praedicti monasterii imponi, exigi seu extorqueri facere aliquatenus permittatis seu permitti faciatis agendo in his, de quibus conscientias vestras ante tribunal Christi superinde responsuras in hac parte oneramus, ut huiusmodi vestris studiosis cooperationibus, quibuslibet praemissis adversis de ipso monasterio ac possessionibus et bonis eius sublatis, inibi cultus divinus ad laudem et gloriam regis aeterni debito ordine valeat exerceri et persolvi quodque praedicti exponentes nostram de cetero superinde non infestantes maiestatem, celsitudini nostrae pro talismodi praemissorum iustificatione seu rectificatione et reformatione debitas referre valeant gratiarum actiones. Secus igitur non facturi prout nostrae et vestrarum cupitis salutem animarum felicius obtinere nostraeque maiestatis indignationem evitare. Praesentes eliam post earum lecturam semper in exhibentis manibus volumus remanere. Datum Constanciae dominica proxima ante festum beati Georgii martyris, anno domini millesimo quadringentesimo decimo octavo, regnorum nostrorum anno Hungariae et cetera tricesimo secundo, Romanorum vero octavo.

Unter dem Siegel: Commissio propria domini regis.


1) Vorlage: constitorum.^{^}