Urkunde Nr. 1852 aus Band IV

Seite im UB:

84-86 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Sammlung Brukenthal [Colecţia Brukenthal], Urkunden (Inventar 119) Nr. 288 (alt S 1-10 Nr. 3).

Druckvorlage:

nach Original

Abdruck als:

Volltext

Sprache:

Latein

---

1852

Kaschau 1419 Mai 18 König Sigmund bestätigt der Gemeinde Keisd das Recht der erstgerichtlichen Entscheidung von Streitsachen, und erklärt Schässburg als zweite und die Sieben Stühle als letzte Berufungsstelle. für die gefällten Entscheidungen.

[S. 85] Von der Kanzlei: Commissio propria domini regis.

Sigismundus dei¹⁾ gratia Romanorum rex semper augustus ac Hungariae, Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque rex, marchio Brandemburgensis nec non Bohemiae et Lucemburgensis heres omnibus Christi fidelibus praesentibus pariter et futuris praesentium notitiam habituris salutem in omnium salvatore. Regia sublimitas ex debito officii regiminis praeassumpti iustis petitionibus sibi subiectorum aures exaudibiles consuevit înclinare benigno cum favore²⁾ his praecipue, quae eorundem libertati pariter et utilitati videntur convenire. Proinde ad universorum tam praesentium quam futurorum notitiam harum serie volumus pervenire, quod magnificus vir fidelis noster dilectus Mychael³⁾ filius Salamonis de Nadas⁴⁾ comes Siculorum nostrorum partium nostrarum Transsiluanensium nostri constitutus in praesentia libertatem, consuetudinem et iurisdictionem civitatis nostrae Zaazkyzd vocatae partium nostrarum Transsiluanarum praedictarum in iudiciis, causis, controversiis, iurgiis, litibus, contentionibus et rixis inter incolas ipsius civitatis et quoscumque alios, extraneos videlicet et forenses, in dicta civitate emergendis nostrae declaravit maiestati, quomodo civitas eadem Zaazkyzd vocata, prout idem comes Mychael a senioribus partium earundem suisque progenitoribus percepisset et ad sui recordium ac memoriam revocasset, tempore etiam quondam serenissimi principis domini Lodouici regis Hungariae et cetera patris et soceri nostri carissimi recolendae memoriae expertus fuisset, omnes et quaslibet causas, lites, rixas, contentiones, iurgia et controversias in dicta civitate tam per civitatenses et intraneos quam quoscumque forenses et extraneos suscitatas et emergentes in quibuscumque casibus, articulis et punctis iudex et iurati praedictae civitatis nostrae Zaazkyzd vocatae pro tempore constituti simul cum iudice nostro regio in dicta civitate per nos dari et institui consueto audire, tractare, examinare, discutere, concludere, determinare, sententiare et finaliter decidere plenam habuissent et etiam de praesenti haberent facultatem et omnimodam potestatem ac meram iurisdictionem. Et si aliqua partium in dicta civitate seu sede Zaazkyzd litigantium de iudicio ibidem facto et sententia promulgata non contentaretur, ex tunc iudicium et sententia huiusmodi iuxta legem et consuetudinem Saxonum septem sedium in sedem civitatis Segwswar vocatae transmissionaliter remitti et destinari, ubi vero modo simili aliqua partium litigantium de iudicio, sententia et adiudicatione praefatae civitatis Segeswar nollet contentari, ex tunc iudicium [S. 86] et sententia huiusmodi cum serie suae adiudicationis in eadem civitate Segwswar vocata factis ad¹⁾ adiudicationem, determinationem, discussionem et finalem decisionem iudicum et iuratorum septem sedium Saxonicalium partium nostrarum Transsiluanarum praedictarum et in civitatem nostram Cibiniensem transmitti et destinari consueverunt, transmitterenturque et destinarentur etiam de praesenti. Supplicatum itaque fuit per annotatum comitem Mychaelem pro parte annotatae civitatis Zaazkyzd vocatae nostrae humiliter maiestati, ut huiusmodi ipsius libertates et consuetudines circa iudicii et iustitiae administrationem et impensionem a diu et ad praesens civitate in eadem observari solitas validare, approbare et confirmare dignaremur. Nos enim qui preces legitimas ex innata nobis clementia ad gratiam admittere consuevimus exauditionis nostrorumque subolitorum commodis pariter et utilitatibus invigilare tenemur, praefatas libertates et consuetudines ex narratione annotati comitis Mychaelis ad nostri audientiam et notitiam deductas et perventas, si et in quantum annotata civitas Zaazkyzd vocata ipsis libertatibus et consuetudinibus temporibus antiquis et praesertim regnante eodem domino Lodouico rege Hungariae et cetera patre et socero nostro carissimo divae memoriae usa fuit et gavisa utiturque et gaudet iuridice et legitime etiam de praesenti, validamus, approbamus, ratificamus et perpetuo ac irrevocabiliter observandas confirmamus praesentis scripti nostri patrocinio mediante. In cuius rei memoriam firmitatemque perpetuam praesentes eidem civitati nostrae literas nostras privilegiales pendentis et authentici sigilli nostri duplicis, quo videlicet ut rex Hungariae utimur, munimine roboratas duximus concedendas. Datum Cassouiae, feria quinta proxima ante festum beatae Elenae reginae, anno domini millesimo quadringentesimo decimo non, regnorum nostrorum anno Hungariae et cetera XXX^mo tertio, Romanorum vero nono.

Von der Kanzlei: Commissio propria domini regis.

Rechts unten eine graphische Spielerei des Schreibers.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-4 auf S. 85 und 1 auf S. 86.^{^}
[S. 85]
1) In verlängerter Schrift.^{^}
2) Hierauf in getilgt.^{^}
3) Auf Rasur.^{^}
4) Über der Zeile nachgetragen.^{^}
[S. 86]
1) Über der Zeile nachgetragen.^{^}