Urkunde Nr. 1874 aus Band IV

Seite im UB:

116-117 ^a)

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Deutsch

---

1874

Hermannstadt 1419 Dezember 22 Bürgermeister und Hann von Hermannstadt bezeugen den Ehevertrag zwischen Jakob, dem Sohne des früheren Bürgermeisters und Katharina, der Witwe des ehemaligen Salzburger Kammergrafen Matheus de Waldo.

Ich Niclas Pfeffersak purgermeister vnd ich Niclas Koscha honn in der Hermannstat wir bekennen des, daz Jacob des alden purgermeysters sun in der Hermanstat, zu vns kommen ist yn dem jar als man schreybt nach Christi geburt M^o CCCC^o XV^o am suntag vor Mathei apostoli et ewangeliste⁴⁾ ce⁵⁾ wen her sich wolde legen zu Katherina, Greff Johans tochter, dy vor ym gehat hat Metheum de Waldo den Walen vnnd hat vns zu wizzen getan vor Niclas Naben vnd auch vor andern geswornen purgeren, daz her sich keyner gütter vnder- [S. 117] winden wil, dÿ Mathei de Waldo camergrafen czu der Salzpurg gewest weren, ez were dan, daz seyner hausfrawn der forgenanten Katherina mit recht czu gehoren vnd waz her yn nemen der gẅtter, dÿ wold her an anderer lewt wyzzen nicht yn nemen sundern mit wyzzen. Dar ẅber so bekennen wir forgenanten Niclas Pfeffersak purgermeister vnd Niclas Koscha honn in der Hermanstat, daz wir ym yn haben gewegen: gesmeyd hundert vnd XIIII mark, gürtel, pecher vnd andere cleynad vnd cleyder des forgenanten Mathei de Waldo, da hon wir eynen sneyder beÿ gehat Stephanum, dy han wir gescheczt vor II gulden czu hundert pfenigen vnd vor V vnd LXX gulden, auch czu hundert pfenigen. Auch hat her vns der forgenante Jacob zu wizzen getan, daz er yn hat genomen an eynes haus wegen IIII gulden czu hundert pfenigen den gulden von Engenten vnt XLV gulden von eym anderen auff der Slatna vnd LX gulden von Johanni Muratori an eÿm haus vnd XXXIIII malder korns. Vnd czu eynem ewygen gedechtnus so han wir dyz lazzen. . . beschreiben in dyz kegenwertig statpuch am freytag vor nativitatem Christi anno eiusdem millesimo CCCC^o XIX^o vnd waz her dornach yn wirt nemen daz wil her ouch czu wizzen tun.

Scriptum eodem die.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 4-5 auf S. 116 (1-3 zu voranstehender Urkunde).^{^}
(4) September 15.
(5) So Vorlage.