Urkunde Nr. 453 aus Band I

Seite im UB:

409-410

Heute in:

Vatikanstadt, Vatikanisches Archiv [Archivum Secretum Apostolicum Vaticanum, Archivio Segreto Vaticano]

Druckvorlage:

nach (zeitgenössischem) Registereintrag

Abdruck als:

Volltext

Sprache:

Latein

---

453

Avignon [1327] Februar 1 Papst Johann XXII. beauftragt den Provinzialprior der Dominikaner in Ungarn, gegen die Haeretiker in Siebenbürgen, Bosnien und Slavonien das Kreuz zu predigen.

Johannes episcopus dilecto filio . . priori provinciali fratrum ordinis Praedicatorum in Ungaria salutem Onerosa pastoralis officii summi dispositione pastoris, qui pro suis ovibus animam posuit, nobis licet immeritis cura commissa sollicita pulsat instantia mentem nostram, ut inter cetera quae undique confluant quasi torrens varia et diversa negotia, quibusve noster animus redditur multiplici varietate distractus, ad augmentum fidei catholicae totis desideriis intendamus, ne ambulantis in circuitu lupi rapacis astutia oves gregis dominici rapiat et disperdat, quin immo de vinea domini radix iniquitatis haereticae succidatur, ipsaque exterminatis inde vulpeculis, quae perversis morsibus demoliuntur eandem, fructus afferat catholicae puritatis. Ideoque discretioni tuae per apostolica scripta mandamus, quatenus per fratres tuos, quos ad hoc idoneos deputaveris, contra omnes Transilvanos, Bosnenses et Sclavonicos^a), qui haeretici fuerint, per regnum Ungariae crucem facias praedicari. Qui auctoritate nostra illis, qui crucis assumpto charactere [S. 410] se ad haereticorum exterminium attingerint, indulgentiam concedant, quae dari consuevit accedentibus in subsidium terrae sanctae. Datum Avinione, Kalendis Februarii, pontificatus nostri anno undecimo.


a) Nachtrag UB I, Seite 620 statt Sclavoniae.^{^}