Urkunde Nr. 1897 aus Band IV

Seite im UB:

147-148 ^a)

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Druckvorlage:

nach Abschrift

Abdruck als:

Volltext

Sprache:

Latein

---

1897

Ofen 1421 August 26 König Sigmund überträgt Nikolaus, dem Woiwoden von Siebenbürgen, die Entscheidung in dem Zollstreit zwischen den Adligen von Oşorheiu/Gyerővásérhely und den Bewohnern von Klausenburg.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fideli nostro magnifico Nicolao de Chaak partium nostrarum Transilvanarum vaivodae salutem et gratiam. In nostrae maiestatis veniens praesentiam fidelis noster Ladislaus filius Gregorii, filii Gereu de Gereu Vasarhel, suo necnon omnium singulorum fratrum suorum, quos infrascriptum tributum tangere dinoscitur, personis celsitudini nostrae exposuit plurimum conquerendo, quod licet cives et hospites de Kulusvar nobis exposuerint, qualiter ipsi scilicet cives et hospites ullum tributum ullamque tributariam solutionem in loco tributi ipsorum nobilium in dicta Gereu Vasarhel exigi consueti solvere vere tenerentur, verum tamen ipsi cives et hospites tributum seu tributariam solutionem in praedicta Gereu Vasarhel dictis nobilibus et eorum tributariis ab antiquo persolvere debitores et consueti fuissent persolvereque debeant de praesenti, dictumque tributum eis omnis iuris titulo ab olim pertinuisset et pertineat etiam quoad praesens. Super quo supplicavit dictus exponens, sibi et praedictis aliis fratribus suis per nostram maiestatem opportune provideri. Cum autem nos sicuti unumquemque regnicolarum nostrorum sic et ipsos nobiles de praedicta Vasarhel pro iusto iure talium debite frui et gaudere, igitur fidelitati vestrae firmiter praecipiendo mandamus habita praesentium notitia, praedictas utrasque partes in vestri praesentiam convocando, auditis partium propositionibus et responsionibus, visisque, et diligenter examinatis eorum iuri- [S. 148] bus et literalibus instrumentis coram vobis producendis, et exhibendis, partes inter easdem tale iudicium, talemque iustitiam iuxta regni nostri consuetudinem facere et impendere debeatis, ut conscientia vestra in nulla hac parte laedi videatur. Aliud non facturi gratiae nostrae sub obtentu. Praesentes post earum lecturam reddi iubemus praesentanti. Datum Budae feria tertia proxima post festum beati Bartholomaei apostoli, anno domini millesimo quadringentesimo vicesimo primo,¹⁾ regnorum nostrorum anno Hungariae et cetera tricesimo quinto,¹⁾ Romanorum undecimo¹⁾ et Bohemiae secundo.¹⁾


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 [4x] auf S. 148 (dortige 2-3 zu nachfolgender Urkunde).^{^}

1) Vorlage in arabischen Zahlen. [4x]^{^}