Urkunde Nr. 455 aus Band I

Seite im UB:

410-411

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 2120.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

455

1327 April 27 König Karl bestätigt seine Urkunde von 1322 Nr. »395 betreffend die Verleihung von Langenthal, Feigendorf, Panad und Schönau an Nikolaus, Sohn Corrardus' von Talmesch.

Karolus dei gratia Hungariae, Dalmaciae, Croaciae, Ramae, Seruiae Galliciae, Lodomeriae, Cumaniae Bulgariaeque rex, princeps Sallernitanus et honoris ac montis sancti Angeli dominus omnibus Christi fidelibus tam praesentibus quam futuris praesentium notitiam habituris salutem in omnium salvatore. Cum a nobis petitur, quod iustum est et honestum, decet regiam maiestatem facilem praebere consensum in bis praecipue, quae suorum subditorum commodis utiliter videntur convenire. Proinde ad universorum notitiam harum serie volumus pervenire, quod magister Nicolaus filius Corrardi de Tolmach partis Transsiluanae exhibuit nobis quoddam privilegium nostrum sub priori et antiquo sigillo nostro super gratia et donatione inferius expressis per nos sibi concessis confectum et habitum, petens prece subiectiva, ut dictum privilegium antiquum ratum habere et nostro sigillo novo et authentico sibi et suis posteris de benignitate regia dignaremur confirmare. Cuius tenor talis est. (Folgt die Urkunde des Königs Karl von 35 1322 Nr. »395.) Nos itaque inspecta praescripti privilegii nostri veritate dignum fore decernentes, ut quanto quisquam fidelium regia munificentia potitus pro accepto concessae donationis munere ferventius se ad observandam fidelitatis constantiam nititur applicari, tanto firmius in collatis [S. 411] praemiis gratia principis praesidentis fulciatur ipsumque magistrum Nicolaum in huiusmodi proposito ex multorum veridica relatione specialiter magnifici viri Thomae vaivodae Transsiluani dilecti nobis et fidelis assertione testimonium veritati perhibere fore cognoscentis dictum Privilegium in nulla sui parte vitiatum de verbo ad verbum praesentibus insertum acceptamus, ratificamus, approbamus et praescriptas gratiarum concessiones pariter possessionum iuriumque praedictarum donationes et collationes eatenus, quatenus prius a nobis processerunt, cum omnibus suis conditionibus eidem magistro Nicolao filio Corrardi et suis heredibus de consilio praelatorum et baronum regni nostri perpetuo valere et immobiliter permanere sub appensione dicti novi sigilli nostri praesentis privilegii nostri patrocinio confirmamus, dummodo in sincerae fidelitatis constantia debitae nobis et coronae nostrae etiam heredes puri cordis voluntate et iuxta posse eorum exhibitione firmi et immobiles perseverent. In cuius confirmationis memoriam perpetuamque firmitatem praesentes concessimus literas dicti duplicis sigilli nostri regii et authentici munimine roboratas. Datum per manus [discreti] v[iri] magistri [Endreae] Albensis ecclesiae praepositi, aulae regiae Vicecancellarii dilecti et fidelis nostri, anno domini millesimo CCC^o. XX^mo. septimo, quinto Kalendas Maii, regni autem nostri anno similiter XXo. septimo. Venerabilibus in Christo patribus et dominis Bolezlao Strigoniensi et fratre Ladislao Colocensi aulaeque nostrae cancellario archiepiscopis, Johanne Nytriensi, Benedicto Chanadyensi, Nicolao Jauryensi, Georgio Syrmiensi, Ladislao Quinqueecclesiensi, Iwanka Waradyensi, Laurencio Wacyensi, fratre Petro Boznensi, Andrea Transsiluano Herrico Wezprimyensi aulaeque dominae reginae cancellario et Chanadyno Agryensi episcopis ecclesias dei feliciter gubernantibus. Magnificis baronibus Phylippo palatino, comite Scepusyensi et de Wyuar, Demetrio magistro tavernicorum nostrorum, comite Bachyensi et Trynchyniensi, comite Alexandro iudice curiae nostrae, Thoma vaivoda Transsiluano et comite de Zonuk, Mykch bano totius Sclauoniae, comite Symigyensi et de Sarus, Paulo bano de Machow, comite Syrmiensi, de Wolkou et de Bodrog, Dyonisio magistro dapiferorum nostrorum, Stephano magistro agasonum nostrorum, Pousa comite de Brasou, Nicolao comite Posonyensi et aliis quam pluribus regni nostri comitatus tenentibus et honores.