Urkunde Nr. 1906 aus Band IV

Seite im UB:

156-157 ^a)

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 31.

Druckvorlage:

nach Original

Abdruck als:

Volltext

Sprache:

Latein

---

1906

Gran 1422 April 23 Matheus, Vikar von Gran, verleiht dem Dekan des Burzenländer Kapitels verschiedene Vorrechte auf die Dauer eines Jahres.

Matheus de Vicedominis de Placencia utriusque iuris doctor, lector et canonicus in ecclesia Strigoniensi necnon reverendissimi in Christo patris et domini domini Georgii, dei et apostolicae sedis gratia episcopi Patauiensis ac almae ecclesiae Strigoniensis praedictae administratoris vicarius in spiritualibus et causarum auditor generalis nobis in Christo sincere dilecto honorabili viro domino.. decano Brasouiensi iurisdictionis spiritualis Strigoniensis salutem in domino et animarum vobis commissarum lucrum. Dignum et congruum est, illis praecipue de mucronis episcopalis auctoritate providere, qui in partem sollicitudinis curae animarum digne sunt vocati. Sane volentes animarum vobis commissarum saluti providere, auctoritate nobis in hac parte per praefatum dominum nostrum, dominum episcopum et administratorem specialiter commissa iuxta morem vobis tenore praesentium concedimus et committimus auctoritatem, omnes et singulas causas civiles et criminales ad forum ecclesiasticum et ad decanum Brasouiensem pro tempore de iure vel de consuetudine quomodolibet spectantes audiendi, cognoscendi et fine debito terminandi et exequendi, inquirendi excessus et crimina corrigendi et puniendi, censuras ecclesiasticas exercendi et infligendi, confessiones audiendi et aliis committendi, etiam in casibus sedi Strigoniensi reservatis, nisi adeo graves et enormes forent, super quibus. sedes ipsa merito esset consulenda, a sententiis excommunicationis maioribus et per participationem contractis absolvendi in forma ecclesiae consueta, et poenitentias salubres pro modo culpae imponendi. participationi fidelium et communioni sanctae matris ecclesiae restituendi necnon quibuscumque catholicis episcopis gratiam apostolicae sedis habentibus clericos districtus vestri Brasouiensis praedicti et alios ordines minores et omnes sacros praesentandi et praeficiendi ac ordinandi atque ab eis sacros liquores reci- [S. 157] piendi, ecclesias violatas reconciliandi et omnia alia faciendi et gerendi, quae alias decanis Brasouiensibus a sede¹⁾ ipsa Strigoniensi quomodolibet concedi consueta fuerunt, ratificantes ex nunc prout ex tunc et ex tunc prout ex nunc omnes sententias, processus et censuras per vos recte et rite promulgandas et inferendas faciemusque easdem auctore domino inviolabiliter observari. In quorum fidem et testimonium praemissorum praesentes literas nostras fieri et sigilli nostri maioris fecimus sub impressione communiri, quas hinc usque ad anni circulum volumus in suo vigore permanere. Datum Strigonii, die festi beati Adalberti martyris et pontificis, anno domini millesimo quadringentesimo vigesimo secundo.

Auf der Rückseite vom Schreiber der Urkunde: Litera iurisdictionis.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 157 (2 zu nachfolgender Urkunde).^{^}

1) Vorlage: sedi.^{^}