Urkunde Nr. 1907 aus Band IV

Seite im UB:

157-158 ^a)

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

1907

1422 Mai 22 Thomas Ruffus, Richter von Klausenburg, setzt für die Mitglieder der Klausenburger Fleischhauerzunft, die den Frieden innerhalb ihrer geistlichen Bruderschaft stören, bestimmte Strafen fest.

Nos Thomas Ruffus iudex civium iuratorum universitatis de Cluswar memoriae commendantes ad universorum notitiam tam praesentium quam futurorum harum serie cupimus pervenire, quod providi et circumspecti viri Petrus Craws, Martinus Bulichen, Jacobus Hun et Michael Rosenlacher dicti, concives nostri, ipsorum virorum providorum carnificum universorum in arte mechanica carnifica laborantium in personis ad nostram accedentes praesentiam, nobis humiliter et deponier detexerunt gravissima sub querela, quod ipsorum fraternitas ad honorem divini cultus et reverentiam praecipue et consequenter sancti Michaelis archangeli ecclesiae nostrae parochialis supremi patroni praepositique paradisi, cuius precibus nostris in adversitatibus sublevamur, miro dispendio mysteriis adiuvamur, fundata, divinorum operum cum venerationibus missarum, vexillorum hominum et ceterorum ac candelarum ornamentis sollemnia de eadem fraternitate exhibere solebat, per aliquos ipsorum confratres, concives nostros, suggestione spiritus invidiae impenetrarentur et regi commodose et salubriter per ipsorum gubernatores et provisores seu altaris sancti Michaelis patronos non possent, in detrimentum congeriei et venerationum omnium praemissarum, petentes nos precum cum instantia, ut ipsis et ipsorum posteris causa pacis et concordiae dum de fratribus et de remedio provideremus opportuno, nominanter rebelles affligendi ac cum²⁾ [S. 158] poenarum gravaminibus ad debitam obedientiam et conversationem honorificam iuxta laudabilem consuetudinem de nostro¹⁾ voluntate compellendi, ne stropultio et detractio honoris ac rixae inter eos emanari contingat temporis in processu. Unde nos profectum et utilitatem universitatis nostrae summo opere praetendentes, intestina bella periculosiora extraneis, dissensiones exteriores interioribus nociviores, inter nostrates gwerrarum et dissensionum materias sopire et emendare volentes spiramine ex divino, ne eveniant scandala, astringimur, pro utititatibus et commodis gerendis reipublicae civitatis fecimus et ordinavimus constituendum, ut quicumque magistrorum in ipsorum congerie et fraternitate existentium rebellizaverit rixas gwerras detrectationes excitaverit seu obedientiam licitam et honestam servare non curaverit prospectu utilitatis nostrae communitatis, talem praefatae fraternitatis magistri nunc constituti ac in futurum constituendi iuxta ipsorum consuetudinem decentem ut puta in cerae solutione ac candelarum altaris ornatione habeant emendare primo tali modo, ut transgressor talentum cerae vel duo iuxta demeritum delicti in termino deputando, si autem tepidus amoniatur cum poena secundario et sic tertiario semper cum prima et aequalem poenam in terminis adiungendis, et si his rebellizare studuerit post trinam amonitionem macellum eius claudatur quousque se mandatis magistrorum obtemperaverit disciplinate. Si autem huiusmodi correctiones non adverterit sed in contemptum magistrorum immo verius nostrae ordinationis macellum aperuerit, quotiens hoc facere praesumpserit ante reconciliationem et birsagiorum solutionem totiens iudici nostro et nostrae communitati in decem marcis pecuniarum monetae currentis et consuetae et magistris unum talentum cerae sine conditione solvere teneatur et per dictum nostrum iudicem tamquam contumax ad huius adstringatur vigore literarum nostrarum praesentium mediante. In cuius rei memoriam perpetuamque firmitatem praesentes nostras literas ad instantem praefatorum magistrorum petitionem cum munitione et maioris sigilli nostri impensione duximus concedendas. Datum feria sexta proxima post festum ascensionis domini anno eiusdem millesimo quadringentesimo vigesimo secundo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 157 (1 zu voranstehender Urkunde), 1 auf S. 158.^{^}
[S. 158]
2) Jakab: eam.^{^}
[S. 158]
1) Jakab: nostrum.^{^}