Urkunde Nr. 456 aus Band I

Seite im UB:

411-412

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

456

Avignon [1327] Mai 28 Papst Johann XXII. beauftragt den Hermannstädter Propst, für die Rückerwerbung von der Weissenburger Kirche entwendeten Gütern zu wirken.

Johannes episcopus servus servorum dei dilecto filio . . praeposito ecclesiae Cybiniensis Transsylvaniensis diocesis salutem et apostolicam benedictionem. Ad audientiam nostram pervenit, quod dilecti filii capitulum [S. 412] ecclesiae Transsylvaniensis quam praedecessores eorum decimas, terras, domos, vineas, prata, villas, pascua, redditus, molendina, nemora, possessiones, iura, iurisdictiones et quaedam alia bona ipsius ecclesiae, datis super hoc literis, confectis exinde publicis instrumentis, iuramentis interpositis, factis renunciationibus et poenis adiectis in gravem ipsius ecclesiae laesionem nonnullis clericis et laicis aliquibus eorum ad vitam, quibusdam vero ad non modicum tempus et aliis perpetuo ad firmam vel sub censu annuo concesserunt, quorum aliqui dicuntur super his confirmationales¹⁾ literas in forma²⁾ commissionis²⁾ a sede apostolica impetrasse. Quia vero nostri interest super hoc³⁾ de opportuno remedio providere, discretioni tuae per apostolica scripta mandamus, quatenus ea, quae de bonis ipsius ecclesiae per concessiones huiusmodi alienata inveneris illicite vel distracta, non obstantibus literis, instrumentis, iuramentis, renunciationibus, poenis et confirmationibus supra dictis, ad ius et proprietatem eiusdem ecclesiae legitime revocare procures, contradictores per censuram ecclesiasticam appellatione postposita compescendo, testes autem, qui fuerint nominati, si se gratia, odio vel timore subtraxerint, censura simili appellatione cessante compellas veritati testimonium perhibere. Datum Avennione, V. Kalendas⁴⁾ Junii, pontificatus nostri anno undecimo.


1) Vorlage: confirmationis. Kemény: confirmationum.^{^}
2) So Kemény. Vorlage: causa communi.^{^}
3) Vorlage: hec.^{^}
4) So Kemény. Történelmi tár: Idus, sonach Juni 9.^{^}