Urkunde Nr. 1927 aus Band IV

Seite im UB:

184-185

Druckvorlage:

nach Original

Abdruck als:

Volltext

Sprache:

Latein

---

1927

Hermannstadt 1423 März 23 Der Hermannstädter Rat bezeugt, dass der Zehnte von Rungemuld und Stinkebrun von Alters her zur Marienkirche in Salzburg gehört hat.

Nos iudices et iurati cives civitatis Cibiniensis universi memoriae commendando significamus cunctis quibus expedit praesentium per tenorem, quod constitutus in nostra praesentia honorabilis vir dominus Caspar plebanus in Salisfodio capituli Cibiniensis requirens nos debita cum instantia sub bona fide et pura conscientia veritati testimonium perhibere, quid videlicet nobis de decimis duorum territoriorum [S. 185] constaret videlicet Rungemuld et Stinkebrun vocatarum, quae quidem territoria inter Salisfodium et Stolczemberg situata dinoscuntur. Sane cum iustis¹⁾ petentium votis consensus sit merito adhibendus, nos iudices et iurati consules civitatis praenotatae ad requisitionem dicti domini Casparis non ex amore, odio vel favore cuiuscumque neque aliqua sinistreitate sive dolositate circumventi, recognsocimus et publice profitemur, decimas duorum territoriorum suprascriptorum ad ecclesiam gloriosissimae virginis genitricis dei in Salisfodio a tanto tempore, quod quantum in hominum memoria non habetur, pertinuisse omnesque rectores eiusdem ecclesiae, qui pro tempore fuerunt et in notitia nostri et nostrorum seniorum concivium habebantur, fructus et decimas territoriorum praefatorum collegerunt et possederunt pacifice et quiete ac in usus suos converterunt pro ipsorum beneplacita voluntate et tamdiu quousque nunc honorabilis vir dominus Michael plebanus in Stolczemberg praetactas²⁾ decimas saepe tactorum territoriorum ecclesiae suae et sibi appropriare, usurpare pariterque intendit. In cuius recognitionis evidentiam praesentes per appensionem sigilli nostrae civitatis fecimus roborari. Datum in civitate Cibiniensi praedicta, feria tertia proxima ante dominicam Ramispalmarum, anno incarnationis domini millesimo quadringentesimo vigesimo tertio.


1) Vorlage: iusta.^{^}
2) Vorlage: praetacta.^{^}