Urkunde Nr. 1934 aus Band IV

Seite im UB:

193-194

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1249 - Abt.42: K. A. Stolzenburg [Parohia Ev. CA Slimnic], Nr. 13.

Druckvorlage:

nach Original

Abdruck als:

Volltext

Sprache:

Latein

---

1934

Rom 1423 Mai 7 Die Kardinäle Angelus, Anthonius und Raynaldus verleihen der Marienkirche und der Bartholomäuskapelle in Schellenberg einen Ablass.

Universis et singulis¹⁾ Christi fidelibus praesentes literas inspecturis nos miseratione divina Angelus Praenestrinus tiluli sanctae Pudentianae, Anthonius tiluli Susannae Aquilegensis et Raynaldus tiluli sancti Viti in maccellis sacrosanctae Romanae ecclesiae episcopus, presbyter et diaconus, cardinales Laudensis, Aquilegensis et de Branccaciis vulgariter nuncupati salutem in domino sempiternam. Splendoris splendor paternae gloriae, qui sua mundum illuminat ineffabili claritate pia vota fidelium de clementissima ipsius maiestate sperantium tunc praecipue benigno favore prosequitur cum devota ipsorum humilitas sanctorum precibus adiuvatur. Cupientes igitur, ut parochialis ecclesia beatae Mariae virginis in Sellinbrech Strigoniensis diocesis una cum capella sancti Bartholomei apostoli extra cimiterium dictae ecclesiae sita, qua prout ab honorabili viro Thoma plebano ecclesiae praedictae intelleximus singulis annis ipso die patronorum non modica Christi fidelium multitudo concurrit ad honorem omnipotentis dei eiusque gloriosissimae virginis matris Mariae congruis frequententur honoribus et a Christi fidelibus iugiter venerentur, ut igitur fideles ipsi eo libentius causa devotionis, orationis aut peregrinationis confluant ad easdem et ad ipsarum sustentationem et inesse conservationem manus promptius porrigant adiutrices, quo ex hoc ibidem dono coelestis gratiae uberius conspexerint se refectos, omnibus vere poenitentibus, confessis et contritis, qui in nativitatis, circumcisionis, epiphaniae, Parasceves, resurrectionis, rogationum, ascensionis, Penthecostes, trinitatis et corporis Chrisli, necnon purificationis, annunciationis, visitationis, assumptionis, nativitalis et conceptionis Mariae, inventionis et exaltationis sanctae crucis, Michaelis archangeli et omnium angelorum. Johannis baptistae, Petri et Pauli ac ceterorum apostolorum ac evangelistarum, Stephani, Laurencii, Georgii, Adalberti, Sebastiani, Nicolai, Martini, Gregorii, Jeronimi, Augustini, Ambrosii, Mariae Magdalenae, Katherinae, Dorotheae, Margarethae, Barbarae, Agnetis, Ceciliae, Luciae, Agathae, Annae, Elizabeth, omnium sanctorum et commemorationis animarum festivitatibus et per octavas dictarum festivitatum octavas habentium sive in omnibus et singulis diebus dominicis ecclesiam et capellam praedictas visitaverint, seu qui ipsam circum- [S. 194] eundo et coram singulis altaribus in ipsa existentibus flexis gemibus suas orationes pie ad deum effuderint et qui dum eucharistiae sacramentum vel oleum sacrum infirmis portatur, sicuti fuerint seu in serotina aut matutinali pulsatione pro pace ter Ave Maria dixerint seu qui pro Thomae amicorumque, parentum ac consanguineorum et progenitorum suorum animarum salute deum exoraverint et qui ad fabricam ipsarum ecclesiae et capellae luminaria, ornamenta, ceram, calices, libros, aurum, argentum aut quaevis alia dictae ecclesiae necessaria manus promptius porrexerint adiutrices seu qui in eorum testamentis vel extra aliquod caritativum subsidium donaverint, legaverint aut procuraverint, quotiescumque, quandocumque et ubicumque praemissa vel praemissorum aliquod devote egerint singuli nostrum cardinalium centum dies indulgentiarum de omnipotentis dei misericordia et beatorum Petri et Pauli apostolorum eius auctoritate confisi de iniunctis eis poenitentiis ipsis et eorum cuilibet in domino misericorditer impertimur, praesentibus vero perpetuis temporibus duraturis. In quorum onmium et singulorum fidem et testimonium praemissorum praesentes inde literas fieri fecimus nostrorumque sigillorum iussimus appensione communiri. Datum Romae, in domibus habitationum nostrarum sub anno domini millesimo quadringentesimo vicesimo tertio indictione prima, die vero septima mensis Maii, pontificatus sanctissimi in Christo patris et domini nostri domini Martini divina providentia papae quinti anno sexto.

Auf der Plica von der Kanzlei: III.


1) Verlängerte Schrift.^{^}