Urkunde Nr. 1938 aus Band IV

Seite im UB:

201-203 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 351 - Abt. 13: K. A. Mediasch [Parohia Ev. CA Mediaş], Nr. 162 (alt Nr. 208).

Druckvorlage:

nach Original

Abdruck als:

Volltext

Sprache:

Latein

---

1938

Hermannstadt 1423 Juni 15 Die Sieben Stühle bestätigen das von ihren Abgesandten im Beisein von Vertretern der Zwei Stühle getroffene Übereinkommen zwischen den Bewohnern von Meschen und Furkeschdorf über die Höhe des Martinszinses, den die Meschner für [S. 202] ihre auf Furkeschdorfer Hattert erworbenen Ländereien zu entrichten haben.

Nos comites, iudices et iurati seniores, universi quoque iustitiarii septem sedium Saxonicalium partium Transsiluanarum memoriae commendando significamus tenore praesentium quibus expedit universis, quod nobis pridem in civitate Cibiniensi sicut et modo simul in nostra congregatione constitutis comparuerunt in nostra praesentia discreti ac providi viri villicus et quidam seniores in persona totius communitatis villae Mueschnaw ab una, parte vero ex altera villicus et seniores villae Furkesdorff sedis Megies occasione terrarum arabilium in territorio Furkasdorff iacentium et per homines dictae villae Mueschnaw iure hereditario aut ante prohibitionem iusto emptionis titulo possessarum diutius litigantes, unde villicus et seniores in persona communitatis villae Furkesdorff nobis in hunc modum proponere curaverunt, quomodo homines et incolae villae Mueschnaw agros territorii ipsorum colerent et fructibus de eisdem uterentur, sed non tantam pecuniam ipsis tribuerent, ut censum sive collectam festi sancti Martini ad cameram domini nostri regis praesentandam de ipsa villa Furkesdorff simul cum contributione ipsorum poterint expedire,¹⁾ in ipsorum exponentium destructionem et praeiudicium nimis ingens. Ex adverso vero seniores in persona communitatis villae Mueschnaw responderunt allegantes, quomodo ipsi agris in territorio Furkesdorff praenotati iacentibus a longo tempore usi fuissent et tantum quatuor denarios de quolibet agro singulis annis circa festum sancti Martini persolvissent sicut et ceteri in duabus sedibus Megies et Schelk de extraneis terris arabilibus solvere consuevissent. Petieruntque utraeque²⁾ partes, sibi per nostram diffinitivam sententiam de iuris remedio provideri. Et quia nos cupientes litis et controversiae materias mitigare pro facienda inter partes praedictas concordia ad possessiones praefatas prudentes viros comitem Andream iudicem regium Cibiniensem, comitem Heidericum iudicem similiter regium sedis Loeschkirch, Nicolaum Pheffersag et magistrum Johannem Goldner notarium nostrum, cives civitatis Cibiniensis curavimus destinare, qui revertentes nobis significando retulerunt, quomodo ipsi in stuba honorabilis viri domini Thomae plebani in dicta Muschnaw, praesentibus eodem domino Thoma, domino Ladislao plebano in Heczelsdorff, comite Dauid fratre iam dicti domini Ladislai de eadem, comite Nicolao, Ladislao Polner [S. 203] et multis aliis iuratis civibus de Megies, item comite Petro de Thobisdorff, magistro¹⁾ Petro notario sedis Megies et aliis quam pluribus, fuissent constituti accessissentque in ipsorum praesentiam comes Johannes, Michael Lotcz, Andreas Roetsel et Michael Brueloder in persona totius communitatis villae Mueschnaw praenotatae et alii villicus et seniores villae Furkesdorff, propositiones, quaestiones et allegationes suas ex parte terrarum arabilium suprascriptas innovantes, sed quia²⁾ ambae partes de consensu universorum civium et seniorum ante dictarum duarum sedium arbitrantes,²⁾<fnz>talem inter ipsas partes concordiam statuissent, quod de cetero et in antea tam inhabitantes villam Muschnaw quam alii in aliis oppidis et villis duarum sedium residentes terras colentes extraneas de quolibet iugere sex denarios novos monetae Hungaricalis, quorum denariorum ducenti et viginti quinque valent de praesenti florenum auri, solvere et pagare deberent circa festum sancti Martini episcopi annis singulis affuturis, quam concordiam antedicti comites, iudices et seniores saepe fatarum duarum sedium necnon villarum Mueschnaw et Furkesdorff libere cum bona ratione et deliberatione voluntarie assumpsissent. Nos itaque audita per legatos nostros praelibatos, immo etiam per seniores antedictos duarum sedium necnon partium in causa principalium concordia, propter facti stabilitatem concordiaeque firmitatem hanc concordiam iustam et laudabilem fore cognovimus, quare eam approbamus, ratificamus et confirmamus praesentium per vigorem. In cuius rei testimonium firmitatemque perpetuam praesentes fecimus cum appensionis nostri sigilli munimine roborari. Datum Cibinii in loco congregationis nostrae, in die sanctorum Viti et Modesti martyrum, anno domini millesimo quadringentesimo vigesimo tertio.

<fnet>a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 202 und 1-2 auf S. 203.</fnet>
[S. 202] <fnzt>1) Vorlage: poterii expediri.</fnzt> <fnzt>2) Vorlage: utraque.</fnzt>
[S. 203] <fnzt>1) Vorlage: magistero.</fnzt> <fnzt>2) So Vorlage.</fnzt>