Urkunde Nr. 1948 aus Band IV

Seite im UB:

210

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 39.

Druckvorlage:

nach Original

Abdruck als:

Volltext

Sprache:

Latein

---

1948

Ofen 1424 Mai 30 Sigmund von Losoncz verbietet den Kastellanen von Bologa/Sebesvár und den Zolleinnehmern von Huedin / Bánffyhunyad, von den Kaufleuten Hermannstadts und der Sieben Stühle Zölle einzuheben.

Sigismundus de Losonch et cetera dilectis nobis castellanis nostris de Sebeswar nec non tributariis ipsorum in Hwnyad et pertinentiis eiusdem ubivis nunc constitutis et in futurum constituendis salutem cum dilectione. Noveritis quod nostram in praesentiam veniens providus et circumspectus vir Jacobus magister civium civitatis Cibiniensis in personis universorum hospitum et mercatorum eiusdem civitatis nec non septem sedium Saxonicalium in partibus Transsiluaniae exsistentium nobis exponere curavit, quoniam vos ipsos et eorum quemlibet in locis eorundem tributorum ad solutionem tributariam, a qua ipsi ratissimarum et efficacissimarum literarum regalium vigoribus exempti haberentur, astringere niteremini et velletis in ipsorum iuris derogamen et praeiudicium satis ingens. Et quia nos dictos hospites et mercatores dictae civitatis Cibiniensis et septem sedium praedictorum ex tenoribus literarum serenissimi domini nostri Sigismundi dei gratia Romanorum regis semper augusti ac Hungariae, Bohemiae, Dalmaciae, Croaciae et cetera regis tenores literarum serenissimorum principum et dominorum Geysae, Karoli et Lodouici olim inclitorum regum Hungariae in se exprimentium ab huiusmodi tributaria solutione a tempore ducentorum annorum exemptos fore comperimus¹⁾ et suportatos. Ideo vestrae et vestrum cuiuslibet dilectioni harum serie firmiter committimus et districte praecipiendo mandamus, quatenus dum et quando aut quotienscumque dicti hospites et mercatores praefatae civitatis Cibiniensis et septem sedium praetactorum ad eorum curribus et animalibus eosdem trahentibus nec non rebus et bonis ipsorum mercimonialibus vestri in medium et ad loca tributorum vestrorum pervenerint ex tunc totiens quotiens opportunum fuerit semper libere, quiete et pacifice abire et proficisci permittere et permitti facere nullum tributum, nullamve solutionem tributariam super ipsos exigere et exigi facere debeatis nec sitis ausi modo aliquali. Immo si necesse fuerit ipsis de salvo conductu et protectione providere debeatis. Praesentes post earum lecturam reddi iubemus exhibenti. Datum Budae feria tertia proxima ante festum ascensionis domini, anno eiusdem millesimo quadringentesimo vigesimo quarto.

Auf der Rückseite von einer Hand des späten 15. Jahrhunderts: Banfia Sigmodi litera pro theolonia in Hunyad. [S. 211]


1) Vorlage: compererimus.^{^}