Urkunde Nr. 1950 aus Band IV

Seite im UB:

212-213

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 64.

Druckvorlage:

nach Original

Abdruck als:

Volltext

Sprache:

Latein

---

1950

Ofen 1421 Juni 1 König Sigmund befiehlt Petrus, dem Comes der Sekler, die Bewohner des Kronstädter Distrikts in ihren Rechten gegen Übergriffe seiner Beamten zu schützen.

Von der Kanzlei: Relatio Piponis de Ozora comitis Themesiensis.

Sigismundus dei gratia Romanorum rex semper augustus ac Hungariae, Bohemiae, Dalmaciae. Croaciae et cetera rex fideli nostro dilecto nobili et egregio viro Petro filio palatini de Pelsoucz comiti Siculorum nostrorum salutem et gratiam. Noveritis quod providi viri Valentinus iudex, Jacobus Flesser, Johannes Seruacii et Martinus iudex de Prasmark, nominibus et in personis universorum civium hospitum et iobagionum nostrorum de Brassouia et eius pertinentiis maiestatis nostrae venientes in praesentiam, nobis proposuerunt conquerendo, quod castellani seu officiales vestri in castris et oppidis nostris inibi situatis constituti familiaresque et homines eorum ipsos contra iustitiam et eorum libertatem ab antiquo legitime tentam atque laudabilem consuetudinem hactenus observatam, in eorum iuribus et libertatibus indebite et minus iuste plurimum impedivissent, molestassent et perturbassent impedireque et molestare nequaquam cessarent etiam de praesenti, in eorum iuris derogamen et praeiudicium manifestum. Unde fidelis dilecte, cum nos praefatam civitatem nostram Brassouiensem et ipsius districtum civesque et iobagiones nostros de eisdem in eorum antiquis iuribus, legibus et bonis libertatibus, quibus ab antiquo usi fuerunt et gavisi, per vos inconcusse conservari facere velimus, ideo fidelitati vestrae firmiter praecipientes mandamus, quatenus acceptis praesentibus a modo in antea ipsam civitatem nostram Brassouiensem et ipsius pertinentias civesque et populos nostros de eisdem per [S. 213] vestros castellanos officiales et familiares contra eorum iura, libertates et bonas consuetudines in nullo impedire, inquietare, molestare et perturbare permittatis, sed eosdem in eisdem ipsorum iuribus legibus libertatibus et consuetudinibus, quibus ut praemittitur ab antiquo usi fuerunt et gavisi, illibate tenere et per vestros conservari facere debeatis. Et aliud facere non ausuri. Praesentes etiam post earum lecturam reddi iubemus praesentanti. Datum Budae, in festo ascensionis domini, anno eiusdem millesimo quadringentesimo vigesimo quarto, regnorum nostrorum anno Hungariae et cetera tricesimo octavo, Romanorum quarto decimo et Bohemiae quarto.

Unter dem Siegel: </ku<Relatio Piponis de Ozora comitis Themesiensis.

Auf der Rückseite von gleichzeitiger Kronstädter Hand: Privilegium de castro Turchd, ut non molestent Brassouienses.