Urkunde Nr. 1964 aus Band IV

Seite im UB:

232-233 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. V, Nova Collectio posterior (Inventar 28), Nr. 1836.

Druckvorlage:

nach Original

Abdruck als:

Volltext

Sprache:

Latein

---

1964

Kleinschelken [etwa 1425 - 1450] Mai 1. Richter und Rat von Klein-Schelken übermitteln dem Hermannstädter Rat mehrere Zeugenaussagen über die Mordtat des Müllers Johannes und seiner Genossen und stellen den Zeugen ein Leumundzeugnis aus.

Iudex iuratique cives in Schad Schelk magistro civium ac honestis et providis viris iudici iuratis et universis civibus civitatis Cibiniensis salutem plurimam dicunt. Nos iudex iuratique cives de Schad Schelk fatemur, quod Johannes molitor fassus est coram nobis ore proprio, quod ipsemet fuit in consortio dum interemptus erat ille in Schad Schelk et villicus met fassus est coram nobis, quod isto tempore, dum ille interemptus erat, manu propria ad carcerem cum aliis consodalibus ductus est et idem villicus fassus est, quod ille Johannes proprium servum ista nocte hunc custodire misit. Tandem vicina proxima fassa¹⁾ est coram nobis civibus, quod ipsa vidit, quod ille Johannes molitor phalangam seu arborem de proprio iudice arripuit et percussit hominem prius dictum ad caput et ibi misit seu reliquit ipsum semivivum, et secundus vicinus coram nobis consulibus fassus est, se vidisse, quod ille dictus Johannes cum consodalibus suis in illa interemptione ibi fuit et phalangam in manibus eius vidit, et iam tertius vicinus fassus est coram nobis consulibus, quod audivit et etiam vidit dictum Johannem molendinatorem cum suis sodalibus, cum ibi fuisse, dum ille interemptus erat. Nos iudex iuratique cives de Schad Schelk fatemur ex propriis conscientiis nostris, quod isti testes examinati sunt per nos iuratos cives, quemlibet ad conscientiam²⁾ suam. Et nos iurati consules³⁾ fatemur, quod isti testes supradicti sunt honesti et discreti et non sunt contemnendi. Datum ex Schelk minori in die Philippi et Jacobi.

Iudex iuratique cives in Schelk minori, vestri in omnibus.

Auf der Rückseite Adresse: Circumspectis et honestis viris magistro civium, iudici iuratisque civibus de civitate Cibiniensi amicis et dominis nostris plurimum honorandis.


a) Seitenumbruch nach der Siegelbeschreibung.^{^}

1) Gebessert aus: fassus.^{^}
2) Hierauf durchgestrichen: sau.^{^}
3) Hierauf durchgestrichen: st.^{^}