Urkunde Nr. 1969 aus Band IV

Seite im UB:

239-240 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1969

Wurmloch 1425 November 13 Nikolaus, Dekan des Schelker Kapitels und Pfarrer von Wurmloch, schaltet die Urkunde des Bischofs Blasius von 1425 Nr. »1968 ein und entscheidet den Zehntstreit zwischen Georg, dem Pfarrer von Burgberg, und Nikolaus, dem Pfarrer von Bell, zugunsten des Burgberger Pfarrers.

Noverint universi tam praesentes quam futuri, nos Nicolaum decanum decanatus Selk ac in Wrmlach plebanum literas reverendissimi in Christo patris et domini, domini Blasii episcopi Transsiluani eius vero sigillo in rubea cera sub forma crucis more pontificali subimpresso consignatas sanas, integras et illaesas cum ea qua decuit reverentia recepisse. Quarum tenor talis est.²⁾ (Folgt die Urkunde des Bischofs Blasius von 1425 Nr. »1968.) Post quarum quidem literarum praesentationem et receptionem per honorabilem virum dominum in Burchperg plebanum diocesis Strigoniensis debita cum instantia fuimus requisiti, ut in causa praemissa nobis ut praemittitur delegata contra praedictum dominum Nicolaum in inferiori Beel plebanum decernere et iustitiam sibi ministrare dignaremur. Nos igitur iudex praedictus, volentes mandatum episcopale exsequi ut tenemur, plebanum Nicolaum ante fatum de Beel inferiori ad certum terminum per nos praefixum citatum coram nobis personaliter comparentem audientemque propositionem et querelam partis adversae puta domini Georgii in Burchperg plebani propositam, quomodo decimas suas scilicet bladi sibi et ecclesiae suae praedictae iuridice annexas minus iuste et indebite recepisset, occupasset et induxisset in plaga arabili, quae pars est territorii hominum in Burchperg, coniuncta³⁾ territorio superioris Beel, quae quidem decimae ab ipso domino Georgio et suis antecessoribus temporibus retroactis inductae, possessae sunt et collectae. Quam propositionem dominus Georgius saepe fatus legitime iuxta suas partes rationabiliter, debite et fide digno testimonio [S. 240] comprobavit nec quid contra testes et dicta eorundem, per ipsum dominum Georgium productos, partem per contrariam exstitit replicatum. Quare petivit dictus Georgius plebanus ipsum dominum Nicolaum ab occupatione dictarum bladi decimarum fore amovendum et in perceptis condemnandum seque in realem et corporalem possessionem restituendum ac sibi per nos iustitiae complementum fieri, nostrum officium humiliter implorando. Auditis igitur per nos et diligenter cum maturitate attentis omnibus et singulis propositionibus et responsis testiumque dictis et¹⁾ depositionibus in huiusmodi causa habitis eisque cum diligentia et maturitate debite recensitis ad sententiam in huiusmodi causa proferendam duxerimus²⁾ procedendum et processimus eamque per ea quae cognovimus pro parte dicti domini Georgii principalis quem iustum reperimus et contra partem sibi in huiusmodi causa contrariam servatis servandis tulimus et promulgavimus, decimas de quibus lis versata est minus iuste et indebile per dominum Nicolaum praelibatum plebanum in Beel inferiori esse receptas, collectas et inductas et in sic perceptis condemnavimus et his scriptis recognoscimus condemnatum dictoque domino Georgio in Burchperg plebano easdem adiudicavimus eumque in realem et corporalem earundem possessionem restituimus et recognoscimus in his scriptis restitutum. Praesentibus honestis viris et discretis domino Georgio actore et domino Nicolao reo et Johanne Spekmar villico in Burchperg, Martino Spekmar vitrico ecclesiae in Burchperg et Paulo campanatore seu ministro ecclesiae in Beel, testibus ad praemissa vocatis pariter et rogatis. In quorum omnium et singulorum fidem et testimonium praemissorum praesentes literas nostrae sententiae recognitorias seriem continentes nostri decanatus sigillo subimpresso duxerimus communire. Datum in Wrmlak, domo habitationis nostrae, sub anno ab incarnatione domini M^o CCCC^o XXV^o, Idus Novembris, tredecima die mensis eiusdem.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-3 auf S. 239 (1 zu voranstehender Urkunde), 1-2 auf S. 240.^{^}
[S. 239]
2) Hierauf: viro discreto nobis sincere dilecto domino Nicolao p unterpunktiert.^{^}
3) Vorlage: coniucta.^{^}
[S. 240]
1) Hierauf: responsis unterpunktiert.^{^}
2) So Vorlage.^{^}