Urkunde Nr. 1972 aus Band IV

Seite im UB:

243-245 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 41.

Druckvorlage:

nach Original

Abdruck als:

Volltext

Sprache:

Latein

---

1972

Rom [1426] Januar 13 Papst Martin V. beauftragt Georg Lepes, den Propst der siebenbürgischen Kirche, die näheren Umstände der Aufhebung der Hermannstädter Propstei zu untersuchen, und die Verfügungen König Sigmunds in päpstlichem Auftrag zu bestätigen.

Martinus¹⁾ episcopus servus servorum dei, dilecto filio. .²⁾ praeposito ecclesiae Transsiluanae salutem et apostolicam benedictionem. Regimini universalis ecclesiae quamquam immeriti disponente domino praesentes, curis angimur assiduis et continua meditatione pensamus, ut quae semel deo dedicata³⁾ fuere, desolationum sublatis incommodis salubribus iugiter proficiant incrementis et quae pro divini cultus augmento et animarum salute provide processisse comperimus, ut illibata persistant, apostolico consuevimus munimine roborare. Sane petitio carissimi in Christo filii nostri Sigismundi Romanorum, Hungariae et Bohemiae regis illustris nobis nuper exhibita continebat, quod olim ipse provide considerans, quod praepositura ecclesiae sancti Ladislai⁴⁾ regis de Cibinio, Strigoniensis⁵⁾ diocesis, quae dudum vacaverat et vacabat tunc in emolumentis ecclesiasticis plurimum foret destituta eiusque possessiones, terrae et alia bona immobilia hinc inde per clericos et laicos essent diversimode distracta, cupiens possessiones, terras et alia bona huiusmodi a manibus occupantium retrahere et recuperare illaque ad laudem dei omnipotentis et beatae Mariae virginis ac ad honorem omnium sanctorum necnon eiusdem sancti Ladislai regis deputare matura desuper deliberatione praehabita, universos fructus, redditus et proventus ac integras decimas provenientes ex fructibus excrescentibus in terris et possessionibus infra districtum oppidi Cibiniensis dictae diocesis consistentibus, census et collectas a dilectis filiis rectoribus parochialium ecclesiarum circumiacentium praepositis dictae ecclesiae sancti Ladislai ab antiquo debitos necnon in Ruz,⁶⁾ Nagekemezow⁷⁾ et Kyzekemezow⁸⁾ nuncupatas possessiones in dicta diocesi [S. 244] ab olim ad eandem praeposituram pertinentes ac portiones possessionarias olim quondam Nicolai de Salgo in districtu locorum de Bolkach et Sithwa in comitatu de Kewklew¹⁾ consistentes ad ipsum regem pertinentes cum omnibus earum²⁾ utililatibus, iuribus et pertinentiis suis ad providendum quindecim presbyteris idoneis in necessariis in perpetuum, qui missas et alia divina officia in dicto oppido in modum qui sequitur perpetuis futuris temporibus celebrarent, libere donavit, dedit et largitus est, ita videlicet, quod in dicta ecclesia sancti Ladislai³⁾ singulis diebus legeretur missa per unum ex dictis presbyteris et una alia cantaretur pro fidelibus defunctis in hospitali pauperum dicti oppidi et in ecclesia beatae Mariae virginis eiusdem oppidi die dominica post missam beatae Mariae virginis de sancta trinitate, feria secunda eadem hora pro fidelibus defunctis, feria tertia de dicto sancto Ladislao³⁾ rege, feria autem quarta de sancto Nicolao confessore et feria quinta de corpore Christi, feria vero sexta de sancta cruce vel passione domini, sabbato de sancta Catherina⁴⁾ vel sanctis angelis cum commemoratione omnium sanctorum devote et sollemniter missae cantarentur et ibidem in eadem ecclesia beatae Mariae undecim et in capella sancti Jacobi apostoli sita in cimiterio dictae ecclesiae beatae Mariae, una alia de eodem apostolo missae singulis diebus in perpetuum dicerentur quodque dilecti filii iudex, iurati et oppidani dicti oppidi de praedictis bonis et reditibus colligendi, exigendi et conservandi liberam haberent dispositionem et de illis dilecto filio rectori dictae ecclesiae beatae Mariae plebano nuncupato,⁵⁾ qui ulterius si vellet dictis presbyteris de necessariis haberet providere, tenerentur annis singulis reddere rationem, alioquin ipsi iudex, iurati et oppidani onus huiusmodi diligenter exercerent per se ipsos, nihilominus ordinando prout in patentibus ipsius Sigismundi regis⁶⁾ literis⁷⁾ dicitur ⁷⁾ plenius⁷⁾ contineri. Quare pro parte dicti Sigismundi regis nobis fuit humiliter supplicatum, ut ordinationi, donationi et largitioni ac literis praedictis omnibus inde secutis robur apostolicae confirmationis adiicere de benignitate apostolica dignaremur. Nos igitur de praemissis certam notitiam non habentes, ipsius Sigismundi regis in hac parte supplicationibus inclinati,⁸⁾ discretioni⁷⁾ tuae per apostolica scripta mandamus, quatenus de praemissis omnibus et singulis et eorum circumstantiis universis auctoritate nostra diligenter te informes, et si ita esse et praemissa in augmentum divini [S. 245] cultus evidenter cedere inveneris, super quo tuam conscientiam oneramus, ordinationem, donationem, largitionem et literas praefatas ac omnia inde secuta eadem auctoritate nostra approbes, ratifices et confirmes et nihilominus pro praemissorum corroboratione et tutela potiori eandem praeposituram et eius titulum extinguere penitus et dissolvere necnon possessiones, terras, decimas et emolumenta quaecumque supradicta iuxta praefatam ordinationem pro divini cultus augmento huiusmodi perpetuo deputare et applicare procures, constitutionibus et ordinationibus apostolicis necnon statutis et consuetudinibus dictae ecclesiae sancti Ladislai¹⁾ ceterisque contrariis non obstantibus quibuscumque. Datum Romae apud sanctos Apostolos, Idus²⁾ Januarii, pontificatus nostri anno nono.

Am unteren Rand der Urkunde links, von der Kanzlei: Jañ L.³⁾

Vom Schreiber der Urkunde: T. Batensoen.

Von anderer Hand: P. Garnerii

Rechts: M(elchior) de Scribanis.

Auf der Plica: Jo. Stalberg.

Auf der Rückseite der Urkunde: Regestrata Pe.⁴⁾ Unten links: T. Rosell(inus).

Auf der Rückseite oben links von gleichzeitiger Hand: Confirmatio ordinalionis sanctae super praepositura ecclesiae sancti Ladislai regis de Cibinio / Strigoniensis diocesis pro augmento divini cullus ad supplicationem regis Romanorum / et cum commissione ad partes. [S. 246]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-8 auf S. 243, 1-8 auf S. 244 und 1-3 auf S. 245.^{^}
[S. 244]
1) M in vergrösserter Schrift. Doppelausfertigung den ganzen Namen in verzierter und verlängerter Schrift.^{^}
2) Georgio Lepes. ^{^}
3) Doppelausfertigung: dicata.^{^}
4) Doppelausfertigung: Sigismundi.^{^}
5) Doppelausfertigung: Transsiluanensis.^{^}
6) Doppelausfertigung und Einschaltung 1432: Ruez.^{^}
7) Doppelausfertigung: Nagekemezew. 1432: Nagekemezoew.^{^}
8) Doppelausfertigung: Hyzedemezow. 1432: Kyzekemezoew.^{^}
[S. 244]
1) Doppelausfertigung und Einschaltung 1432: Kuklew.^{^}
2) Doppelausfertigung und Einschaltung 1432: corum.^{^}
3) Doppelausfertigung: Sigismundi. [2x]^{^}
4) Doppelausfertigung und 1432: Katharina.^{^}
5) Fehlt in der Doppelausfertigung und in beiden Einschaltungen. ^{^}
6) Hierauf in der Doppelausfertigung und in beiden Einschaltungen: in.^{^}
7) Auf Rasur. [5x]^{^}
8) Stark zusammengedrängt, fehlt in der Doppelausfertigung und den Einschaltungen, die einen kleinen Zwischenraum freigelassen haben.^{^}
[S. 245]
1) Doppelausfertigung: Sigismundi.^{^}
2) So Doppelausfertigung und beide Einschaltungen Vorlage: Idibus.^{^}
3) Doppelausfertigung:
Am unteren Rande der Urkunde links: LX.
Vom Schreiber der Urkunde: A. Fidelis.
Von anderer Hand: J. Stalberg.
Rechts: Cincius.
Auf der Plica: Jo. de Nursia.
Auf der Rückseite: Regestrala Io.
Auf der Rückseite unten links von einer Hand des späten 15. Jahrhunderts: Consensus apostolicus super donatione praepositurae.^{^}
4) Vorlage: R mit eingeschriebenem pe.^{^}