Urkunde Nr. 1978 aus Band IV

Seite im UB:

252-253

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1978

Totis 1426 Mai 23 König Sigmund beauftragt das Weissenburger Kapitel, bei der Einführung der Dorothea und Margaretha, Töchter des Thomas von Fägendorf, in den Besitz von Fägendorf mitzuwirken.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fidelibus nostris capitulo ecclesiae Albensis Transsiluanae salutem et gratiam. Cum nos nobiles puellas Dorothea et Margaretha vocatas filias scilicet fidelis egregii Thomae dicti de Coloswar nobilis de Mykezaza partium nostrarum Transsiluanarum, ob eiusdem Thomae patris earum laude digna merita et gratuitae fidelitatis obsequia, quibus idem se multipliciter nobis gratum reddere curavit et acceptum, in praefata possessione Mykezaza in comitatu de Kykllew habita aliis quoque universis et singulis eiusdem Thomae possessionibus in regno nostro Hungariae et in comitatu Orodiensi ac alias ubivis habitis mediantibus aliis nostris literis praefectionalibus superinde confectis in veros heredes et successores praefecerimus masculinos velimusque easdem per nostrum et vestrum [S. 253] homines in dominium eiusdem possessionis Mykezaza et pertinentiarum ipsius iuxta regni nostri consuetudinem legitime facere introduci fidelitati vestrae firmiter praecipientes mandamus, quatenus vestrum mittatis hominem pro testimonio fide dignum, quo praesente Johannes filius Ladislai de Hozywazo vel Nikolaus aut Dyonisius de eadem sive Herbardus de Balasfalwa aliis absentibus homo noster ad facies praescriptae possessionis Mykezaza ac pertinentiarum eiusdem vicinis et commetaneis suis universis inibi legitime convocatis et praesentibus accedendo introducat praefatas nobiles puellas Dorotheam et Margaretham in dominium earundem statuatque easdem eisdem praemisso iure eis incumbente perpetuo possidendas si non fuerit contradictum. Contradictores vero si qui fuerint, evocet ipsos contra annotatas nobiles puellas Dorotheam et Margaretham nostram in praesentiam ad terminum competentem rationem contradictionis eorum reddituros efficacem. Et post haec ipsarum introductionis et statutionis seriem cum nominibus contradictorum et evocatorum si qui fuerint terminoque assignato nobis fideliter rescribatis. Datum in Tata, feria quinta proxima ante festum sanctae trinitatis, anno domini millesimo quadringentesimo vigesimo sexto, regnorum nostrorum anno Hungariae et cetera quadragesimo, Romanorum sedecimo et Bohemiae sexto.

Auf der Rückseite Adresse: Fidelibus nostris capitulo ecclesiae Albensis Transsiluanae pro nobilibus puellabus Dorothea et Margaretha vocatis, filiabus scilicet nobilis et egregii Thomae dicti de Colosvar de Mykezaza.

Auf der Rückseite von gleichzeitiger Hand: Nicolaus de Gozincza, capitularis Bonfeles canonicus ecclesiae nostrae. Introductio fuit facta in festo nativitatis beati Johannis baptistae¹⁾ et aliis diebus ad id aptis nemine contradictore apparente.


1) Juni 24.^{^}