Urkunde Nr. 1981 aus Band IV

Seite im UB:

257-258

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 67.

Druckvorlage:

nach Original

Abdruck als:

Volltext

Sprache:

Latein

---

1981

Honigberg 1426 Oktober 13 Petrus, Comes der Sekler, bestätigt für die Bewohner von Brenndorf die Urkunde des Seklergrafen Michael Salamonis von 1415 Nr. »1776 über einen Grunderwerb durch die Gemeinde und spricht ihnen den gekauften Landstrich von neuem zu.

Nos Petrus Bewbek de Pelsewch trium generum Siculorum comes memoriae commendamus tenore praesentium, significamus quibus expedit universis, quod honorabilis vir dominus Johannes plebanus de Bothfalwa necnon Nicolaus villicus, Jacobus filius Salamonis, Ladislaus Nicolai Thethmer, Paulus Korlath dictus Detricus, Petrus Sabos, alter Nicolaus quondam villicus et Valentinus filius Hench de eadem, in ipsorum ac universorum concivium et cohospitum eorum personis nostram venientes in praesentiam, exhibuerunt nobis quasdam literas magnifici viri domini Michaelis filii Salamonis de Nadasd quondam comitis Siculorum super quadam particula terrae emptionali cum metarum distinctione, sub pendenti sigillo suo emanata, tenoris infrascripti, in qua quidem particula terrae aut usibus eiusdem ipsi per nonnullos Siculos sedis Sepsy plurimum turbarentur et molestarentur, supplicantes exinde nobis humili precum cum instantia, ut praescriptam particulam terrae emptionalem de novo ipsis statuere et perpetue pacis silentium eorum impetitoribus imponere dignaremur iurium ipsorum ad cautelam. Quarum tenor talis est. (Folgt die Urkunde des Seklergrafen Michael Salamonis von 1415 Nr. »1776.) Nos igitur, iustis et condignis supplicationibus memoratorum dominorum Johannis plebani de Bothfalua necnon Nicolai villici, Jacobi filii Salamonis, Ladislai filii Nicolai Thethmer, Pauli Korlath dicti Detrici, Petri Sabos, alterius Nicolai quondam villici et Valentini filii Hench de eadem, in [S. 258] ipsorum ac dictorum concivium et cohospitum eorum modo praemisso nobis porrectis per eosdem, favorabiliter inclinati, revisis prius tenoribus praescriptis literisque domini nostri regis assensionalibus necnon domini Nicolai de Chaak vaivodae Transsiluanensis transscriptionalibus super eadem particula terrae emptitionali privilegialibus confectis, non abrasas non cancellatas et nec aliquarum suarum partium vitiatas fore, agnoscentes eandem particulam terrae, praememoratis domino Johanni plebano de Bothfalua necnon universis civibus supra nominatis et hospitibus in eadem Bothfalua residentibus, in praesentia magnifici viri domini Nicolai de Chaak vaivodae Transsiluani necnon venerabilis in Christo patris¹⁾ et domini domini Blasii episcopi ecclesiae Albensis ac egregii viri magistri Gywla de Rapolth aulae regiae maiestatis militis,²⁾ propria nostra in persona statuimus et ratificavimus in filios filiorum heredumque suorum successoribus possidendam, tenendam pariter et habendam, adstantibus etiam nobilibus Siculis Johanne Dacho pro tunc iudice, Matheo filio eiusdem, Simone et Blasio filiis Petri Forro dicti de Bewlen, Nicolao filio Pelhew, Blasio filio Mathee, Georgio Kewles dicto, Matheo de Rethye, Philipo de Komola, Elia de Zenthyuan, Gregorio parvo de Illyefalua, Anthonio et Georgio de Arapathaka, altero Anthonio Nemes dicto, Andrea de Kalnokfalua, altero Anthonio filio Myko de Hydwegh, eisdem ac totius communitatis sedis Sepsi ratione praedictae particulae terrae ac turbationis seu molestationis populorum sive gentium de Bothfalua perpetuum silentium imponentes firmo nostro edicto auctoritateque regia nobis in hac parte attributa. In cuius rei memoriam firmitatemque perpetuam praesentes literas nostras privilegiales emanari fecimus pendentisque sigilli nostri munimine roboratas duximus concedendas. Datum in Hermanfalua die dominico proximo ante festum beati Galli confessoris, anno domini millesimo quadringentesimo vicesimo sexto.


1) Vorlage: patri.^{^}
2) Vorlage: militi.^{^}