Urkunde Nr. 1995 aus Band IV

Seite im UB:

273-274

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Archiv der Stadt Desch [Primăria Oraşului Déj], Urkunden

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1995

Kronstadt 1427 Februar 20 König Sigmund befiehlt, dass Grundhörige, die ihren Grundzins entrichtet haben, an der Übersiedlung nach Desch und Salzdorf nicht gehindert werden dürfen.

Sigismundus¹⁾, dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fidelibus nostris universis et singulis praelatis, baronibus, comitibus, castellanis, nobilibus eorumque officialibus, item civitatibus, oppidis et villis ipsarumque rectoribus, iudicibus et villicis, quibus praesentes ostenduntur, salutem et gratiam. Ex relatione fidelis nostri Papi vicecamerarii de Dees intelleximus satis displicenter, quomodo nonnulli forent ex iobagionibus vestris, qui habita licentia iustoque terragio depositis et aliis debitis ipsorum persolutis de vestris possessionibus ad oppida nostra Dees et Deesakna vocata se transferre vellent moraturos, quos nonnulli ex vobis diversis calumniis eis impositis abire et recedere non permitterent in nostrae maiestatis displicentiam nostrique generalis decreti per nos alias superinde stabilili derogamen valde grande. Et quia nos ipsum generale decretum nostrum per quempiam regnicolarum nostrorum illibate²⁾ et inconcusse volumus facere observari, igitur fidelitati vestrae universitatis et vestrum cuiuslibet firmissime praecipientes mandamus, quatenus visis praesentibus a modoque in antea et deinceps huiusmodi vestros iobagiones, qui ut praemittitur obtenta licentia iustoque terragio deposito ac aliis eorum debitis persolutis de dictis vestris possessionibus ad dicta oppida nostra Dees et Deesakna vocata modo quo supra se transferre voluerint moraturos. calumnia quavis in hac parte relegata, [S. 274]cum universis ipsorum rebus et bonis libere, pacifice et absque omni impedimente permittatis et permitti faciatis. Alioquin commisimus et serie praesentium committimus fidelibus nostris comitibus vel vicecomitibus illorum comitatuum, in quibus forsitan huiusmodi mandata nostra non observarentur, ut ipsi transgressores ipsorum mandatorum nostrorum ad debitam eorundem observationem cum eorum solitis damnis et gravaminibus compellere et astringere debeant et teneantur nostrae maiestatis in persona et autoritate, praesentibus ipsis in ea parte attributa, mediante. Secus facere non ausuri in praemissis. Praesentes etiam post earum lecturam semper reddi iubemus praesentanti. Datum in civitate nostra Brassouiensi, feria quinta proxima ante festum cathedrae beati Petri apostoli, anno domini millesimo quadringentesimo vigesimo septimo, regnorum nostrorum anno Hungariae et cetera quadragesimo, Romanorum decimo septimo et Bohemiae septimo.


1) Verlängerte Schrift.^{^}
2) Vorlage: illibatae.^{^}