Urkunde Nr. 2000 aus Band IV

Seite im UB:

279-280

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. V, Nova Collectio posterior (Inventar 28), Nr. 1928.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2000

Langenau 1427 April 4 König Sigmund verbietet den königlichen Zolleinnehmern in Şoimuş/Marossolymos, von den Bergleuten in Altenberg und Pernseifen Abgaben einzuheben und befiehlt ihnen, Klagen gegen diese Bergleute vor den Berggrafen oder vor das ordentliche Berggericht zu bringen.

Sig[ismundu]s¹⁾ dei gratia Romanorum rex semper augustus ac Hungariae, [Bohe]miae,²⁾ Dalmaciae, Croaciae et cetera rex fidelibus nostris universis et singulis tribut[ariis tam]¹⁾ nostris quam aliorum quorumcumque ubilibet intra ambilum r[egni n]ostri³⁾ in terra et in aquis et signanter in Solmos et omni Vamhel constitutis [ad quos praesente]s⁴⁾ literae nostrae pervenerint salutem et gratiam. Cum antiq[ua et]²⁾ approbata camerarum nostrarum consuetudine et libertate requirente a quibuscu[mque victual]ibus⁴⁾ et victualium generibus aliis etiam rebus pro sustentatione et laborum exercitio dictarum camerarum nostrarum ad easdem vel de eis hincinde defer[endis et]³⁾ deducendis eorundemque conductoribus tributum non sit fas exigi aliquale. Igitur fidelitati vestrae universitatis et cuiuslibet vestrum firmiter praecipiendo mandamus, quatenus de pannis, ferro, plumbo necnon vinis, frumento, farina, lardis, piscibus et aliis quibuscumque victualibus ac rebus cuiuscumque generis et maneriei exsistant pro sustentatione montanistorum nostrorum in montanis nostris Althumberg et Pernseyfen constitutorum exercitioque et continuatione laborum earundem montanarum nostrarum necessariis undecumque et de quibuscumque regni nostri partibus per eosdem montanistas seu alterum eorundem ad ipsa loca montanarum nostrarum praedictarum deferendis et conducendis ipsorumque conductoribus ac curribus et animalibus in quibus conducentur ineundo et redeundo nullum tributum nullamve tributariam solutionem exigere exigique et extorqueri facere neque ipsos conductores victualium et rerum praedictarum ac res et bona eorundem ad quorumcumque instantiam arrestare seu prohibere praesumatis nec sitis ausi modo aliquali signanter pro debitis et offensis aliorum. Si qui enim contra ipsos montanistas nostros quidquam⁵⁾ actionis vel quaestionis habent vel habuerint, hi id in praesentia comitis urburarum nostrarum praedic- [S. 280] tarum officialiumve earundem aut iudicum dictarum montanarum nostrarum iuridice prosequentur, ubi ex parte eorundem cuilibet legittime querulanti meri iuris et iustitiae ac satisfactionis complementum non deerit evidens et condignum prout dictaverit ordo iuris. Aliud igitur in praemissis facere non ausuri. Praesentes autem post earum lecturam reddi iubemus praesentanti. Datum in Hozywmezew partium nostrarum Transalpinarum, in festo beati Ambrosii episcopi et confessoris, anno domini millesimo quadringentesimo vigesimo septimo, regnorum nostrorum anno Hungariae et cetera quadragesimo, Romanorum decimo septimo et Bohemiae septimo.


1) Lücke: 2.6 cm. [2x]^{^}
2) Lücke: 0.8 cm. [2x]^{^}
3) Lücke: 1.5 cm. [2x]^{^}
4) Lücke: 3.4 cm. [2x]^{^}
5) Vorlage: quit . . . ^{^}