Urkunde Nr. 2004 aus Band IV

Seite im UB:

284-285

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 33.

Druckvorlage:

nach Original

Abdruck als:

Volltext

Sprache:

Latein

---

2004

Marienburg 1427 April 21 Erzbischof Georg von Gran verleiht dem Fronleichnamsaltar in der Kronstädter Pfarrkirche einen Ablass von 40 Tagen.

Georgius¹⁾ miseratione divina archiepiscopus ecclesiae Strigoniensis locique eiusdem comes perpetuus, primas et apostolicae sedis legatus natus. Universis et singulis christi fidelibus praesentes literas inspecturis et audituris pateat evidenter et sit notum, quod providorum et circumspectorum virorum nonnullorum civium civitatis Brassouiensis nostrae Strigoniensis diocesis, confrater scilicet fraternitatis pretiosissimi corporis domini nostri Jesu Christi transmissa insinuationis et expositionis series nobis²⁾ patefecit, quomodo ipsi quoddam altare in lectorio ecclesiae parochialis in dicta Brasso ad honorem iam dicti pretiosissimi corporis Christi construi et aedificari fecissent et in ipso altari singulis feriis quintis hebdomadalibus perpetualiter quandam missam ad honorem et laudem corporis ipsius domini nostri Jesu Christi sollemniter decrevissent et disposuissent decantare, ad cuiusquidem missae celebrationis sollemnitatem fervor universitatis fidelium dictae civitalis Brasso cum non modico sinceritatis affectu concurreret et interesset. Quorum pro parte exstitit nobis humiliter supplicatum, quatenus zelum devotionis fidelium praedictorum, quem ipsi in visitatione et interessentia celebratione ipsius missae haberent, attendere et paterno favore per concessionem et elargitionem quarundam indulgentiarum allicere et augmentare dignaremur. Nos vero cupientes ut dictum altare pretiosissimi corporis Christi congruis honoribus frequentetur et ut Christi fideles eo libentius ad decantationem et celebrationis sollemnitatem ipsius confluant missae in memorato altari, sic ut praemittitur, singulis quintis feriis hebdomadatim decantandae, omnibus vere poenitentibus et confessis ac contritis, qui iam dictae missae in honore pretiosissimi corporis Christi in saepedicto altari feriis quintis hebdomadalibus decantandae cum devotione a principio interfuerint usque in finem ac pro calicibus, libris et ornamentis ipsius altaris necnon eiusdem missae continuatione manus porrexerint adiutrices qualibet vice de om- [S. 285] nipotentis dei misericordia et beatorum Petri et Pauli apostolorum eius auctoritate confisi, quadraginta dies de iniunctis eis poenitentiis misericorditer in domino relaxamus. In quorum testimonium praesentes literas fieri nostrique maioris et pontificalis sigilli iussimus appensione muniri. Datum in castro Mariae, secundo die festi resurrectionis domini, anno eiusdem millesimo quadringentesimo vigesimo septimo.


1) Verlängerte Schrift.^{^}
2) Über der Zeile nachgetragen.^{^}