Urkunde Nr. 2014 aus Band IV

Seite im UB:

314-315 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2014

Rosenau 1427 Juli 5 König Sigmund verleiht Rosenau das Wochenmarktrecht.

Nos Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex memoriae commendamus tenore praesentium significantes quibus expedit universis, quod nos sicut pro utilitate et commodo regnicolarum nostrorum sic non minus ad humilem supplicationis instantiam fidelium nostrorum iudicis, iuratorum ceterorumque oppidanorum oppidi nostri Rosno vocati partium nostrarum Transsiluanarum forum hebdomadale et liberum singulis feriis quartis quarumlibet hebdomadarum sub eisdem libertatibus et exemptionum praerogativis, quibus fora hebdomadalia ceterorum nostrorum oppidorum partium nostrarum earundem³⁾ insignita sunt, in dicto oppido nostro vocato Rosno perenniter⁴⁾ celebrandum et iugiter peragendum duximus ad idem concedendum oppidum, immo con- [S. 315] cedimus praesentium per tenorem, quoniam id a certo comperimus quod in locis eidem oppido Rosno vicinis eodem die simile forum liberum hebdomadale non celebratur, per quod eisdem locis et foris praeiudicium aliquod posset generari. Quapropter vos universos mercatores, institores, pannicidas aliosque quosvis homines forenses scilicet atque viatores tenore praesentium affidamus, certificamus et assecuramus, quatenus cum omnibus rebus vestris venalibus cunctisque singulis vestris mercantiis et bonis quibuscumque ad dictum forum hebdomadale in praetacto oppido nostro Rosno vocato singulis feriis quartis quarumlibet hebdomadarum per nos modo quo supra perpetuo celebrari concessum secure et absque omni pavore seu formidine rerum et personarum vestrarum veniatis, properetis et accedatis peractisque vestris negotiationibus in emptionibus scilicet, venditionibus et permutationibus ceterisque vestris negotiationibus foro libero in eodem redeatis ad propria vel alia quae malueritis loca salvis rebus vestris et personis sub nostra protectione et tutela speciali. Et hoc volumus per fora et alia loca publica ubi necesse fuerit palam facere proclamari. Datum in Rosno praedicta, sabbato post festum visitationis virginis gloriosae, anno domini millesimo quadringentesimo vigesimo septimo, regnorum nostrorum anno Hungariae quadragesimo primo, Romanorum decimo septimo et Bohemiae septimo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 3-4 auf S. 314 (1-2 zu voranstehender Urkunde).^{^}

3) Vorlage: earumque.^{^}
4) Vorlage: persolenniter.^{^}