Urkunde Nr. 2021 aus Band IV

Seite im UB:

322-323

Heute in:

Vatikanstadt, Vatikanisches Archiv [Archivum Secretum Apostolicum Vaticanum, Archivio Segreto Vaticano]

Heutige Signatur:

Reg. Suppl. (Registra Supplicationum) Nr. 294, fol. 148 verso (tergo).

Druckvorlage:

nach (zeitgenössischem) Registereintrag

Abdruck als:

Volltext

Sprache:

Latein

---

2021

Rom [1427] Dezember 7 Papst Martin V. bestätigt die Gründung einer Niederlassung der Franziskanerobservanten in Pränzdorf durch Johann, den Sohn des Desiderius von Losoncz.

Beatissime pater. Dudum devotus vestrae sanctitatis nobilis vir Johannes filius Desew de Losoncz Transiluanae diocesis domicellus cupiens terrena in coelestia commutare et habens singularem devotionem ordini fratrum minorum de observantia nuncupatorum de bonis suis sibi adeo collatis unam domum cum ecclesia, campanili, саmраnа, domibus, dormitorio et cimiterio ac aliis necessariis officinis in possessione sua Felfalu iuxta oppidum Regen prope flumen Marus dictae diocesis pro usu et habitatione guardiani et fratrum dicti ordinis de observantia de licentia ordinarii sub vocabulo beati Michaelis archangeli construi et aedificari fecit et procuravit. Verum ne domus ipsa vacua guardiano et fratribus, qui illam absque sedis apostolicae voluntate recipere et incolere non possunt, remaneat, sed illis coronata¹⁾ prius pro laudibus domino decantandi, supplicat sanctitatem vestram dictus domicellus quatenus constructionem et aedificationem huiusmodi ac donationem dictae possessionis propterea factam ratas et gratas habentes eas auctoritate apostolica confirmare ac guardiano et fratribus pro tempore existentibus dicti ordinis de observantia domum praedictam pro usu et habitatione eorum recipiendi et in eo perpetuo habitandi licen- [S. 323] tiam concedere ac insuper eis pro omnibus et singulis libertatibus, immunitatibus, privilegiis, facultatibus et concessionibus dicto ordini a praefata sede sine alias concessis uti et gaudere libere et licite valeant indulgere dignemini de gratia speciali, constitutionibus et ordinationibus apostolicis ac statutis et consuetudinibus ordinis praedicti ceterisque contrariis non obstantibus quibuscumque maxime cum praemissa et dicta ecclesia de consensu ordinarii facta et constructa fuerunt. Fiat ut petitur et committatur O. Datum Romae apud sanctos Apostolos septimo Idus Decembris anno undecimo.


1) Vorlage: chonata.^{^}