Urkunde Nr. 2049 aus Band IV

Seite im UB:

357-358

Druckvorlage:

nach Original

Abdruck als:

Volltext

Sprache:

Latein

---

2049

Kubin 1428 Juli 4 König Sigmund verleiht Georg von Muckendorf und Genossen von neuem die Besitzung Muckendorf, da die Urkunden über ihr Besitzrecht von Rumänen aus dem Fogarascher Distrikt verbrannt worden sind.

Von der Kanzlei: Commissio propria domini regis.

Nos Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex memoriae ommendamus tenore praesentium significantes quibus expedit universis, quod fidelis noster Georgius filius Jacobi de Moha in nostrae maiestatis veniens in conspectum nobis in personis alterius Georgii filii Georgii necnon Nicolai, Valentini et Zyrmus de eadem Moha, item Johannis¹⁾ filii¹⁾ Michaelis de Dalya et nobilis dominae Anna vocatae filiae Batha de eadem Moha consortis scilicet ipsius Georgii filii Jacobi exposuit lamentabiliter et declaravit, quomodo quidam malefactores Volahi de partibus districtus Fogaras sabbato proximo ante dominicam Ramispalmarum nunc praeteritam²⁾ noctis in silentio ad dictam possessionem ipsorum Moha vocatam in comitalu Albensi partis nostrae Transsiluanae situatam, ipsos iusto emptionis tilulo uti fertur tangentem irruendo eandem possessionem simulcum domibus ipsorum propriis ignis incendio combussissent, ubi et in quibus domibus quattuor pueri, filii videlicet praetacti Georgii filii Georgii universaeque literae et literalia instrumenta eorundem factum dictae possessionis ipsorum Moha concernentes exusti fuissent et concremata, quod in grande damnum et periculum ipsorum cederet et derogamen iuriumque periclitationem manifestam, supplicans idem Georgius exponens his [S. 358] declaratis nominibus quibus supra maiestati nostrae ut praefatam possessionem eorum Moha denuo et ex novo novae nostrae donationis titulo propter huiusmodi literalium suorum instrumentorum periclitationem conferre dignaremur. Unde nos, qui cunctorum fidelium regnicolarum nostrorum casus asperos et nocivos per remedia opportuna solemus reformare, supplicationibus ipsius Georgii modo quo supra per ipsum locis et temporibus opportunis maiestati nostrae iuxta suae possibilitatis exigentiam exhibitis et impensis, praemissam possessionem Moha in dicto comitatu Albensi Transsiluano existentem, in cuius pacifico dominio idem Georgius filius Jacobi, progenitores praefatorum alterius Georgii ac Nicolai, Valentini, Zyrmos necnon Johannis et dominae Annae et consequenter se ipsos sine aliquali litis motione fuisse et perstitisse atque ad praesens existere asserit, simul cum cunctis suis utilitatibus et pertinentiis quibuslibet, locis scilicet sessionalibus, terris arabilibus cultis et incultis, agris, pratis, pascuis, silvis, nemoribus, montibus, vallibus, aquis, piscinis aquarumque decursibus et generaliter quarumlibet utilitatum integritatibus quovis nominis vocabulo vocitatis ad eandem possessionem de iure spectantibus sub suis veris metis et antiquis limitibus, quibus eadem usque modo per eosdem rite tenta fuit et possessa ex certa nostrae maiestatis scientia et animo deliberato praefatis Georgio filio Georgii ac Nicolao, Valentino et Zyrmos necnon Johanni et dominae Annae ipsorumque heredibus et posteritatibus universis, omni eo iure, quo eadem possessio cum dictis suis pertinentiis et utilitatibus ratione praevia nostrae rite incumbit collationi, dedimus, donavimus et contulimus, immo damus, donamus et conferimus iure perpetuo et irrevocabiliter possidendam, tenendam pariter et habendam, salvo iure alieno, harum nostrarum vigore et testimonio literarum mediante, quas in formam nostri privilegii redigi faciemus, dum nobis in specie fuerint reportatae. Datum in Kewy, die dominico proximo post festum visitationis virginis Mariae, anno domini millesimo quadringentesimo vigesimo octavo, regnorum nostrorum anno Hungariae et cetera quadragesimo secundo, Romanorum decimo octavo et Bohemiae octavo.

Unter dem Siegel: Commissio propria domini regis.


1) Vorlage: Johannes filius. [2x]^{^}
2) März 27.^{^}