Urkunde Nr. 2071 aus Band IV

Seite im UB:

379-380 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. III (Inventar 27), Nr. 1.

Druckvorlage:

nach Original

Abdruck als:

Volltext

Sprache:

Deutsch

---

2071

Kronstadt 1429 Mai 28 Richter und Rat von Kronstadt ersuchen, Stephan Muenczer, dem ein Pferd geraubt worden ist, bei seinen Nachforschungen behilflich zu sein.

Wir richter vnd gesworn purger der stat Brasso bekennen vnd tun czu wissen mit disem priff allen den es gepu^erd, wÿe das vor vns offenbar vnd volkumlich pekant vnd pebert ist worden, das der ersam wolweÿs mann Stephan Mu^enczer ganezer lo^ener der koeniglicher mu^encz¹⁾ czu Brasso recht, redlich vnd ko^e geko^eft hat ein pfert von einem ku^ersners gesellen genant Emrych, geporn von der Schespurg, der da wol erkant ist²⁾ dem vorsichtigem mann dem purgermeÿster da selbs, [S. 380] des er auch sein almaschle^uwt czwischen vns hat. Vnd seyd dem mal das dem vorgesprochen Stephan das selbig pfert hewt angefangen ist worden durch etlich le^uwt von der Roderbach, darvmb pitten wir fleyssiklich ewch all richter vnd gesworn vor¹⁾ welchy er kumen wirt vnd dy gerechtigkeyt vordem, mit namen ewch ersam wolweys vnser lib fru^end von der obgenanten Schespurg, das ir ym der gerechlikeÿt welt helfen vnd ym von vnsern wegen raten welt vnd hilflich pey stan, das er nicht also swerlich vnschuldiklich in dem schaden peleÿb. Das stet vns hinwider vmb czu verdien czu allen czeyten wann es sich gepu^erd. Geben czu Brasso an dem nechsten sunabent nach des heÿligen leÿchnams tag, in dem et cetera M CCCC XXIX iar.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 379, 1 auf S. 380 (dortige 2-5 zu nachfolgender Urkunde).^{^}
[S. 379]
1) Über der Zeile.^{^}
2) Über der Zeile.^{^}
[S. 380]
1) Hierauf wech durchstrichen.^{^}