Urkunde Nr. 2077 aus Band IV

Seite im UB:

389

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

2077

1429 Oktober 30 Das Weissenburger Kapitel bezeugt, dass der Konvent von Kolozsmonostor gegen die widerrechtliche Aneignung von Klosterbesitz durch die Bewohner von Klausenburg Einsprache erhoben hat.

Nos capitulum ecclesiae Albensis Transsiluanae memoriae commendamus, quod religiosus vir frater Petrus monasterii beatae Mariae virginis de Clusmonostra custos in sua ac venerabilis et religiosi viri domini fratris Anthonii abbatis et conventus de eadem nostram veniendo in praesentiam per modum protestationis nobis significare curavit in hunc modum, quomodo Thomas Rethyer iudex ac iurati cives et seniores civitatis Cluswar omnis iuris et iustitiae lege postergata non modicas terrarum particulas inter veros cursus metales possessionis eorundem domini abbatis et conventus Kayantho vocatae in comitatu de Clus a parte Thelgyepathaka in comitatu de Clus existentis habitarum et adiacentiarum sibi ipsis occupare et ad dictam civitatem Cluswar annectere et applicare niterentur in ipsorum iuris praeiudicium et damnum non modicum. Qua facta protestatione praefatus frater Petrus custos nominibus quorum supra annotatum Thomam Rethyer iudicem ac iuratos cives et universos hospites dictae civitatis Cluswar ab occupatione, detentione, utensione fruitione, usurpatione praescriptarum terrarum et ad dictam civitatem Cluswar applicatione, annexione usuumque fructuum et quorumvis utilitatum earundem perceptione seu percipi factione aut quovis quaesito colore in earundem intromissione easdemque sibi ipsis appropriatione vel appropriari factione quemlibet factum vel fiendum prohibuit publice vel manifeste lege et consuetudine regni requirenti coram nobis testimonio praesentium mediante. Datum die dominico ante festum omnium sanctorum, anno domini millesimo quadringentesimo vigesimo nono.