Urkunde Nr. 2086 aus Band IV

Seite im UB:

398-399

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 57.

Druckvorlage:

nach Original

Abdruck als:

Volltext

Sprache:

Latein

---

2086

Pressburg 1430 Februar 14 König Sigmund verleiht dem Markte Winz-Burgberg das gleiche Stadtrecht wie den Städten der Sieben Stühle und setzt die Höhe ihres Beitrages zu dem Martinszins der Sieben Stühle fest.

Von der Kanzlei: Propria commissio regiae maiestatis.

Nos¹⁾ Sigismundus¹⁾ dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex memoriae commendantes tenore praesentium significamus quibus expedit universis, quod nos, qui incumbente nobis regiae dignitatis officio solemus illa concedere, per quae rei publicae provenit utilitas, regni commoditas attollitur et rerum ubertas fecundatur populusque nobis subiectus augmentum suscipit sicut numero ita et devotione. Cupientes igitur, ut oppidum nostrum regale Alsowyncz et Borpergh appelatum in partibus nostris Transsiluanis habitum ex utraque parte fluvii Moros situm, civium pluralitate laetetur et multitudine populorum decoretur, ex certa nostrae maiestatis scientia et animo deliberato idem oppidum nostrum liberam civitatem duximus nominandam, creandam et instituendam, decernentes praesenti institutione, ut eadem civitas nostra Alsowyncz et Borpergh appellata civesque et universi populi nunc inibi constituti et in futurum constituendi a modo et deinceps eisdem omnino praerogativis, indultis et libertatibus iuribusque legibus et consuetudinibus gaudeant, utantur et fruantur, quibus civitates nostrae septem sedium Saxonicalium earundem partium nostrarum Transsilvanarum gaudent et gloriantur. Ut autem eadem civitas nostra nostram benivolentiam sentiat circa se largius munificam, solutionem collectae seu annualis census ex parte civium et populorum eiusdem nostrae civitatis Alsowyncz et Borpergh vocatae nobis provenire debentis ad viginti marcas argenti de pondere illustris Belae regis Hungariae, divi praedecessoris nostri, quali scilicet pondere et quo tempore praedictae civitates nostrae septem sedium Saxonicalium censum eorum solvere soliti sunt, duximus limitandam et annuendam immo annuimus et limitamus gratiose. In cuius rei memoriam firmitatemque perpetuam praesentes concessimus literas nostras privilegiales pendentis autentici duplicis sigilli nostri munimine roboratas. Datum Posonii in festo beati [S. 399] Valentini martyris, anno domini millesimo quadringentesimo tricesimo, regnorum nostrorum anno Hungariae et cetera quadragesimo tertio, Romanorum vigesimo et Bohemiae decimo.

Darunter Kanzleivermerk: Propria commissio regiae maiestatis ad sollicitacionem Petri Rehel.

Auf der Rückseite von einer Hand des 16. Jahrhunderts: Literae Sigismundi regis, ut Alsowyncz et Borberek / creata sit civitas privilegiisque gaudeat Saxonum.


a) UB verschrieben: 1551 A.^{^}

1) Verlängerte Schrift. [2x]^{^}