Urkunde Nr. 475 aus Band I

Seite im UB:

435-436

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

475

1330 Mai 30 Das Grosswardeiner Kapitel bezeugt, dass der siebenbürgische Bischof und das Weissenburger Kapitel den Pfarrern des Mühlbacher Dekanates die Hälfte des während des Prozesses zwischen beiden Theilen nicht gezahlten Census nachgesehen haben.

Nos capitulum ecclesiae Waradiensis praesentium per tenorem significamus quibus expedit universis, quod accedentibus ad nostram praesentiam discretis viris magistris Benedicto archidiacono de Tylegd concanonico nostro, Thoma praeposito Cybiniensi ecclesiae Transsiluanae canonicis et Bulchu archidiacono de Zothmar cum sufficientibus procuratoriis ab una parte et providis ac honestis viris Mychaele plebano de Kelnuk decano de Sebus et Johanne plebano de Apoldya superiori decanatus eiusdem Transsiluanae diocesis similiter cum sufficientibus procuratoriis ex altera per ipsos magistrum Benedictum archidiaconum de Tylegd, Thomam praepositum et Bulchu archidiaconum de Zothmar relatum exstitit et coram nobis viva voce sunt confessi, in revisione plebanorum universorum et singulorum de decanatu de Sebus ad gratiam domini episcopi Transsiluani et capituli eiusdem ecclesiae ac in concordia facta inter ipsos pacto seu conditione intervenisse. Ut quia ipsi plebani census ipsi capitulo de suis ecclesiis debitos iam per quatuor annos praetextu cuiusdam appellationis detinuerant et detinuerint, qui facta ratione ducentas et viginti marcas fini argenti ponderis Budensis faciebant, ipsi domini de capitulo ecclesiae Transsiluanae medietatem praedictae summae videlicet centum et decem marcas ipsis decanis gratiose relaxassent et ipsos imprimis centum et decem marcas quietassent et ipsi procuratores nomine capituli coram nobis ipsos plebanos quietarunt; reliquam vero partem videlicet centum et decem marcas prae- [S. 436] dicti plebani in duobus terminis infra scriptis ipsi capitulo solvere assumpsissent, et eorum procuratores videlicet Mychael decanus de Sebus et Johannes plebanus de Apoldya superiori coram nobis vice et nomine suorum sociorum solvere assumpserunt, videlicet in octavis beati Michaelis proxime iam venturis¹⁾ solvent quinquaginta quinque marcas fini argenti ponderis Budensis sub eorum periculo portandas et apud cameram capituli ipsi capitulo assignandas, reliquas vero quinquaginta quinque marcas solvent in hisdem modis in octavis nativitatis beati Johannis baptistae subsequentibus,²⁾ poenam dupli incursuri, si quemlibet terminorum omitterent in solvendo, prout praedicti procuratores plebanorum praedictorum coram nobis se et ipsos plebanos ad id spontanea obligarunt voluntate. Datum quarto die Pentecostes videlicet III° Kalendas Junii, anno domini M^o. CCC^o tricesimo.


1) Oktober 6.^{^}
2) 1331 Juli 1.^{^}