Urkunde Nr. 2105 aus Band IV

Seite im UB:

424-425

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 59.

Druckvorlage:

nach Original

Abdruck als:

Volltext

Sprache:

Latein

---

2105

Konstanz 1431 Januar 16 König Sigmund verbietet den königlichen Zolleinnehmern, von den Sachsen der Sieben Stühle Zölle einzuheben.

Von der Kanzlei: Commissio propria, domini regis Ladislao de Chap, / alias vicecancellario referente.

Sigismundus dei gratia Romanorum rex semper augustus ac Hungariae, Bohemiae, Dalmaciae Croaciae et cetera rex fidelibus nostris universis et singulis tributariis in nostris regalibus tributis ubilibet intra ambitum regni nostri constitutis et exsistentibus praesentibus et futuris prasentium notitiam habituris salutem et gratiam. In personis fidelium nostrorum universorum et singulorum Saxonum septem sedium Saxonicalium partium nostrarum Transsiluanarum nostrae expositum est maiestati gravi cum querela, quod quamvis nos dudum ipsos nostros Saxones universos vigore certarum et efficacissimarum nostrarum literarum superinde confectarum ab omni tributaria exactione quae ex parte ipsorum et de rebus eorum in praefatis nostris regalibus tributis provenire debuisset, pure et simpliciter eximentes supportatos reddiderimus et liberatos, tamen vos eosdem Saxones nostros ad huiusmodi solutionem tributariam tam de personis quam rebus eorum faciendam non obstantibus praetactis nostris literis regalibus super ipsa gratiosa exemptione confectis et emanatis omnino cogeretis, compelleretis et astringeretis in eorum praeiudicium dictaeque libertatis ipsorum derogamen multum grande, supplicantes sibi humiliter per nostram maiestatem de remedio provideri opportuno. Nos itaque saepe fatos nostros Saxones et eorum quemlibet sicuti per prius sic et de praesenti ac etiam futuris successivis temporibus a praetitulata tributaria solutione in saepetactis nostris tributis regalibus facienda omnino exemptos et supportatos habere ipsas quoque priores nostras literas pro eisdem superinde emanatas in suis vigoribus remanere volentes fidelitati vestrae firmissimo nostro regio damus sub praecepto, quatenus a modo in posterum praenarratos Saxones nostros ipsarum septem sedium Saxonicalium partium nostrarum Transsiluanarum contra vim et formam ipsarum priorum literarum nostrarum pro eisdem modo quo supra emanatarum ad praetactam solutionem tributariam nusquam et nequaquam compellere et astringere et neque ab eis ac ipsorum rebus et bonis quibuscumque quamcumque tributariam exactionem petere et exigere petique et exigi facere quoquomodo praesumatis et neque sitis ausi modo aliquali temporibus successivis quibuscumque, quin immo praetitulatas nostras literas super ipsa gra- [S. 425] tiosa exemptione pro memoratis nostris Saxonibus confectas et emanatas semper et ubique in suis vigoribus inconcusse et inviolabiter debeatis observare. Et secus sub poena nostrae gravissimae indignationis facere non ausuri. Praesentes etiam post earum lecturam semper reddi iubemus praesentanti. Datum Constanciae, feria tertia proxima ante festum beati Anthonii confessoris, anno domini MCCCCXXXI^mo, regnorum nostrorum anno Hungariae et cetera XLIIII^o, Romanorum XXI^mo et Bohemiae undecimo.

Unter dem Siegel: Commissio propria domini regis Ladislao de Chap, / alias vicecancellario referente.