Urkunde Nr. 2149 aus Band IV

Seite im UB:

465

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

2149

1432 Mai 11 Roland Lepes, Vizewoiwode von Siebenbürgen, ersucht das Weissenburger Kapitel, bei der Einführung des Andreas von Burgberg in Besitzanteile von Königsberg und Galaţi/Galacz mitzuwirken.

Amicis suis honorandis capitulo ecclesiae Transsiluanae Lorandus Lepes de Varaskezy vicevaivoda Transsiluanus amicitiam paratam cum honore. Dicitur nobis in persona Andreae de Hihalom, quomodo quaedam portiones possessionariae Nicolai Zakadeky in possessionibus Kiralhalma et Galach in comitatu Albensi existentibus habitae, quae¹⁾ nunc legitima recaptivatione et sibi ipsi statuifactione plurimum indigerent.²⁾ Super quo vestram amicitiam praesentibus petimus diligenter, quatenus vestrum mittatis hominem pro testimonio fide dignum, quo praesente Joannes de Bolia vel Cristianus de Vessewd aut Joannes de Nagsenk, aliis absentibus homo noster ad facies praedictarum portionum possessionariarum ac vicinis et commetaneis eiusdem universis inibi legitime convocatis et praesentibus accedendo recapiat easdem nomine iuris dicti Andreae recaptivatasque et ab aliorum possessionariis iuribus metaliter separatas et distinctas statuat easdem eidem praemisso iure sibi incumbente perpetuo possidendas, si non fuerit contradictum. Contradictores vero si qui fuerint, citet eosdem contra annotatum Andream nostram in praesentiam ad terminum competentem rationem contradictionis eorum reddituros. Et post haec huiusmodi recaptivationis et statutionis seriem cum nominibus contradictorum et citatorum, si qui apparuerint, terminoque assignato nobis amicabiliter rescribatis. Datum dominico die post festum apparitionis beati Michaelis archangeli, anno domini millesimo quadringentesimo tricesimo secundo.

Auf der Rückseite vom Schreiber der Urkunde: Amicis suis honorandis capitulo ecclesiae Transsiluanae pro Andrea de Hihalom recaptivatoria et citatoria.

Auf der Rückseite von gleichzeitiger Hand: Joannes de Balya, capitularis Ladislaus Perechen. Statutio celebrata sabbato proximo ante festum beatae Elenae reginae³⁾ nullo contradictore. [S. 466]


1) So Vorlage.^{^}
2) Vorlage: indigeret.^{^}
3) Mai 17.^{^}