Urkunde Nr. 2156 aus Band IV

Seite im UB:

472

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

2156

Kronstadt 1432 Juni 10 Richter und Rat von Kronstadt berichten einem hohen Geistlichen über die Bewegungen der Türken in der Walachei und ersuchen um rasche Hilfe.

Famulamen fidele iugi cum constantia. Reverendissime pater ac domine, sicut prius vestrae nuntiavimus venerabilitati, quomodo saevissimi Turci crucis Christi aemuli forent magna cum potentia exercituali in partibus Transalpinis constituti, ila et nunc eadem pro vero et verissimo vestrae insinuamus honorabilitati, quod dicti perfidi Turci quarta feria proxima post Pentecostes¹⁾ in Fynta, uno miliari a Tergowista, erunt constituti. Quare humilime et confidenter ad vestra confugimus praesidia, intimo cordis ex affectu supplicantes venerabilitatem vestram, ut ob omnipotentis dei causam ac propter honorem vestrum et famam bonam et promissiones vestras nobis pluries literatorie factas quanto citius potestis in nostri auxilium dignemini graciosius accelerare, valida ac laudabilia domino nostro regi ac sacrae coronae in hoc²⁾ servitia exhibendo. Datum feria tertia proxima sequenti festum Pentecostes in crepusculo, et tum haec praescripta a nostro recepimus nuntio idoneo, anno domini M^oCCCC^o XXXII^o.

Iudex et iurati consules
civitatis Brassouiae, vestri
servitores.


1) Juni 11.^{^}
2) Hierauf: sercia durchgestrichen.^{^}