Urkunde Nr. 2164 aus Band IV

Seite im UB:

483-485 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Manuskript 19. Jahrhundert

Abdruck als:

Volltext

Sprache:

Latein

---

2164

Birthälm 1432 November 12 Der öffentliche Notar Mathias Fritsch bestätigt, dass Anna, die Verwandte des Nikolaus Apa von Malmkrog, der Pfarrkirche und der Gemeinde Birthälm mehrere Liegenschaften vermacht hat.

In nomine domini amen. Anno a nativitate eiusdem millesimo quadringentesimo tricesimo secundo, indictione decima, die vero [mensis] Novembris duodecima, pontificatus sanctissimi in Christo patris ac domini domini Eugenii divina providentia papae quarti anno secundo in domo habitationis honorabilis viri domini Sigismundi in Birthelbm plebani et sedis Megyes decani in mei notarii publici testiumque infrascriptorum praesentia idem dominus Sigismundus plebanus requisivit discretos viros, videlicet dominum Bartholomeum, plebanum de Cops maiori et providum virum Johannem campanarum fusorem de Segeswar quemlibet seorsum coniunctim et divisim: quid nam ipsis constaret de testamento quondam nobilis dominae Annae de Birthelm bonae reminiscentiae cognatae strenui militis domini Nicolai filii Appa praetextu curiae et domus quam inhabitare dinoscitur praedictus dominus Sigismundus plebanus de Birthelbm ac etiam de vinea quae iacet ex opposito ipsius curiae et de molendino in Hanfftal situato. Exsurgens itaque praedictus dominus Bartholomeus plebanus de Cops maiori vivae vocis oraculo ad requisita dicti domini Sigismundi de Birthelm plebani sub puritate suae conscientiae non coactus non compulsus nec pretio conventus vel etiam aliquo errore seductus sponte et voluntarie recognovit in hunc modum: quomodo nobilis et strenuus miles dominus Nicolaus filius Appa de Almakerek in domo habitationis ipsius domini [S. 484] Bartholomei dicti de Cops descendisset et secum prandium habuisset prandio iam finito idem strenuus miles requisivisset iam fatum plebanum, quod secum ad oppidum Birthelm descenderet ad videndum infirmitatem dominae Annae suae cognatae ac etiam legationem testamentariam per ipsam fiendam. Mox ut discendissent in curia plebani de Birthelbm suum proprium nuntium pro Johanne campanarum fusore direxisset pro tunc ibi moram trahente. Qui ut comparuisset idem strenuus miles statim et incontinenti cum praedictis domino Bartholomeo plebano et Johanne campanarum fusori nobilem dominam Annam suam cognatam accessisset et requisivisset eam de testamento per ipsam facto vel fiendo. Quaequaedem nobilis domina Anna corpore licet aegro, mente tamen per omnia sana respondisset saepefato domino Nicolao¹⁾ militi suo cognato, quod ob reverentiam beatae Mariae virginis gloriosae ecclesiae curiam in Birthelbm in qua plebanus nunc inhabitare dinoscitur ad quam ius liberum habuisset et dominium pro dote seu curia plebani libere legavisset, contulisset et assignasset insuper vineam ex opposito curiae iacentem similiter pro curia seu dote legavisset ita quod plebani sese sequentes alimenta pro mensa ab ipsa vinea possint habere pro eo quod dominus Franciscus quondam in Birthelbm plebanus ac etiam dominus Sigismundus modernus in Birthelbm plebanus singulis annis unum vas vini et alia emolumenta pro suo corpore necessaria administrassent. Demum praedicta domina Anna ob reverentiam corporis Christi unam medietatem molendini in Hanfftal situati legasset ita videlicet, quod singulis quintis feriis perpetuis temporibus in ecclesia beatae Mariae virginis una missa celebrari deberetur, ita videlicet, quod plebani in dicto Birthelbm sese sequentes praemissa et quodlicet ipsorum per dictam dominam Annam testamentaliter legatorum cum omni iure plenitudine perpetue et irrevocabiliter tenendum, possidendum pariter et habendum ob suae et suorum progenitorum salutem animarum. Secundam medietatem vero dicti molendini communitati praedicti Birthelbm testamentaliter legavisset eo, quod censum tam de domo sua quam aliis hereditatibus cassatis omnibus communitatis laboribus et censum exactionibus liberam et pacificam conservassent. Saepedictus vero dominus Nicolaus miles deliberatione aliquali praehabita ita quod non statim ipso testamento consensisset vel voluntarium praebuisset assensum. Ad quem nobilis domina Anna respondisset: domine et fili mi carissime scit deus, quod nullum ius in aliquam partem ipsius curiae et aliarum hereditatum habetis; sed flentibus oculis cum lacrimarum effusione ipsum dominum Nicolaum militem suum cognatum rogasset humili prece quod praedictum suum testamentum revocare non dignaretur sed ob reverentiam virginis Mariae gloriosae et ob reverentiam corporis Christi ipso testamento voluntariam praeberet assensum. Ad quod praedictus Nicolaus miles [S. 485] strenuus filius Appa precibus dominae Annae suae cognatae allectus ipsum testamentum voluntarie admisisset et idem dominus Nicolaus assumpsisset hoc idem testamentum sua et fratris sui ac ipsorum heredibus heredumque successoribus in personis ratum, gratum et firmum perpetuis temporibus observaturum. Praedictus dominus Sigismundus plebanus de Birthelbm requisivit saepefatum Johannem campanarum fusorem quid sibi constaret de testamento nobilis dominae Annae. Quiquidem sub puritate suae conscientiae per omnia cum dictis testamentificationibus praedicti domini Bartholomei plebani de maiori Cops per ordinem in nullo . . . .¹⁾ concordavit. Praevisus itaque dominus Sigismundus de Birthelbm plebanus requisivit me notarium publicum infrascriptum omni cum instantia quatenus sibi unum vel plura conficerem publicum seu publica instrumentum seu instrumenta sollerter cum effectu praesentibus circumspectis viris Nicolao^b) Buzart dicto, Johanni Kotner dicto, Jacobo Schuller dicto, civibus iuratis eiusdem saepe dicti Birthelbm ac aliorum quam plurimorum fide dignorum virorum testibus ad praemissa rogatis et requisitis. Acta sunt haec anno, indictione, die, mense, loco, pontificatu quibus ut supra.

(Notarzeichen.) Et ego Mathias Fritsch natus Andreae de Megies Transsiluanensis diocesis sacra imperiali auctoritate notarius publicus, quia praedictis protestationibus et recognitionibus dum sic ut praemittitur fierent et agerentur una cum praenominatis testibus praesens interfui eaque sic fieri vidi et audivi. Ideo hoc praesens publicum instrumentum exinde confeci subscripsi, publicavi et in hanc publicam formam redegi, signoque et nomine meis solitis et consuetis signavi in fidem et testimonium omnium et singulorum praemissorum.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 484 und 1 auf S. 485.^{^}
a) Nachtrag UB IV, Seite 726 statt Nicalao.^{^}
[S. 484]
1) Vorlage: Nicolauo.^{^}
[S. 485]
1) Vorlage undeutlich: ? devians.^{^}