Urkunde Nr. 482 aus Band I

Seite im UB:

441

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 62 686.

Druckvorlage:

nach Original

Abdruck als:

Volltext

Sprache:

Latein

---

482

Thorenburg 1331 März 2 Woiwode Thomas verbietet zu Gunsten Johannes von Bistritz die Einführung der Bistritzer in den Besitz von Ependorph.

Nos Thomas vaivoda Transsiluanus et comes de Zonuk damus pro memoria, quod Johannes filius Johannis de Byztricia in congregatione nostra generali Sabbato proximo post festum beati Mathiae apostoli in Torda celebrata surgens de medio nobilium exhibuit nobis literas domini nostri regis patentes et privilegia, quibus mediantibus possessio Ependorph vocata per eundem dominum regem collata exstitit irrevocabiliter et perpetuata, asserens et declarans eandem per magistrum Thomam comitem de Byztricia per regium praeceptum populis de eadem Byztricia reambulari velle atque statuere. Pro quo quidem Johanne universi nobiles in congregatione praedicta existentes unanimiter assurgentes ipsum magistrum Thomam prohibuerunt non a reambulatione sed statutione ipsis populis de Byztricia facienda, adiicientes, quod, si idem magister Thomas eandem reambulare voluerit et idem Johannes ipsum inhibuerit a statutione, non ad praesentiam regiam sed ad nostram, cum ipsa possessio Ependorph inter possessiones ipsorum fore dignoscatur,¹⁾ legitime oporteret evocari eo facto, qua quidem prohibitio praesente eodem magistro Thoma exstitit interposita. Datum²⁾ die et loco praenotatis, anno domini M^o. C^o C^o C^o. XXX^mo. primo.


1) Vorlage: dinoscuntur.^{^}
2) Hierauf durchgestrichen: in Th.^{^}