Urkunde Nr. 2165 aus Band IV

Seite im UB:

485-488 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. V, Nova Collectio posterior (Inventar 28), Nr. 1894.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2165

Hermannstadt 1432 Dezember 4 Die Sieben Stühle bezeugen den Verlauf der Hattertgrenzen zwischen Waldhütten und Halvelagen.

Nos Thomas Trawtemberger magister civium, Anthonius Trawtemberger iudex regius, Jacobus proconsulis civis iuratus Cibiniensis, [S. 486] comes Heynricus de Alczna regius iudex sedis Lwschkirch, comes Laurentius de Ruffomonte iudex regius sedis Rẅsmark, comes Jacobus de insula Jerhardi, Michael Vessoder de insula Christiana, Harmanus magister civium, Jacobus Craws iudex, Stephanus Lewsch iuratus de Segiswar, comes Andreas de Stein iudex regius sedis Kosd, Johannes Lwtsch de Rwkbas, comes Johannes de valle Mariae iudex regius sedis Schenk, comes Michael de valle Agnetis, Hans Feer villicus de Schenk, Petrus Synner iudex de sede Mẅlembach, Anthonius Korpner iudex de Rẅsmarck, Mathias Cristanni villicus de Warasch, Anthonius Mẅrll magister civium et Georgius Walther iudex de Wyntz ceterique seniores et consules iurati septem sedium Saxonicalium partium Transsiluan arum memoriae commendantes tenore praesentium significamus quibus expedit universis, quod cum inter honestos et fide dignos viros seniores et hospites de Walthẅdia incolas duarum sedium ab una, parte vero ab altera seniores et hospites de Holbalegen incolas sedis Segeswar non modica dissensio et rixa suborta fuit saepe saepiusque pro certa territorii portione suscitata. Accedentes in nostri praesentiam honorabilis vir dominus Nicolaus comitis Andreae alias plebanus de dicta Walthẅdia et providi viri comes Johannes et Anthonius de Byrthalben suis nec non universorum seniorum et hospitum eiusdem villae nominibus et in personis velut actores nobis detegere querulose curarunt proponentes, quod honesti viri seniores et hospites de Holbalegen ipsorum commelanei certam territorii portionem et territorium auctoritate et vigore regalium literarum revisum et reambulatum ipsisque post reambulationem et revisionem de mera iustitia et iure pleno appropriatum et adiudicatum abstraherent, abstrahere et alienare conarentur sibi ipsis¹⁾ dumtaxat in usum usurpare volentes et retinere in praeiudicium ipsis et derogamen suorum regalium privilegiorum et iurium salis ingens. Eo audito Andreas Schenk villicus et Petrus Greeff de Holbalegen suis et singulorum seniorum et hospitum de eadem nominibus et in personis responderunt ex adverso ipsum territorium possidere et possedisse dudumque ad ipsos pertinuisse et pertinere de praesenti. Replicantes autem domino Nicolao plebano, Johanne et Antonio de Walthwdia contra factam responsionem eandem demonstrari et edoceri, idoneo et sufficientis testimonii documento postularunt. Deficientes itaque senioribus et hospitibus de Holbalegen in probatione literalium instrumentorum et se remittentes ad quaedam metalia signa in territorio erecta, annotati plebanus et seniores Walthudienses ex toto se ad literalia documenta se fundaverunt unde ipsorum literas legi fecimus coram nobis quibus propositionibus responsionibus et replicationibus sic auditis et perceptis. Cum non sit facile de territoriis et eorundem dimensionatu et descriptione sententias invenire nisi super territoria aggrediatur et nobis eminentis periciae et sagacitatis viros semel, bis, ter qui ad faciem dicti territorii fuere profecti ad revidendum territorii [S. 487] dimensionatus ad reambulandum metalia signa ad sequestrandum eos ad pacificandum partem utramque duximus eligendum ipsis regrediendum et reversis primo, secundo, tertio quod ad executionem ut in plurimum de negligentia attractorum et evocatorum in consonu hospitum videlicet de Holbalegen non fuere cooperati nobis declararunt. Cum autem dicta controversia et lis pro territorio diu et ultra quam debuit fuerit ventilata ac steterit litigiose in suspenso finem decisivum causae contraversiae imponere satagendum. En postrema vice circumspectos viros et sagaces nobilem comitem Heinricum de Altzna, Thomam Trawtemberger magistrum civium, Anthonium Trawtemberger iudicem, Laurencium de Ruffomonte, Johannem Göldner liberalium artium magistrum iuratum consulem Cibiniensis et magistrum Jacobum notarium nostrum ad procedendum super memoratum territorium et concordandum et pacificandum utramque partem. Deposita et data fide omnibus nobis tam per Walthẅdienses quam Holbalegienses quod quicquid per eosdem decretum et sentenciatum inventum et factum fuerit de ambarum partium parili voluntate et consensu rate pro decreto et sentenciato vellent observare duximus eligendum. Ipsis electis proficiscentes super dicti territorii faciem cum egregio et nobili viro comite Michaele Salomonis de Wyskyrch, Hartmanno magistro civium et Jacobo Craws iudice de Segeswar, comite Petro de villa Thobiae, comite Nicolao de Megies praesentibus Michaele Schẅtsch villico de magno Ladislao, Petro Textore et Jacobo Longo de Dansdorff, Cristanno am End de Prooden, Johanne Oerttel villico de Ewlesch Christanno Greff de villa Thobiae, Nicolao Pwsnarth de Byrthalbn et quam plurimis fide dignis senioribus et hospitibus utrarumque communitatum et aliarum villarum circumiacentium sicut ex nuntiorum nostrorum illac pro distinctione et concordatione missorum fassione post ipsorum reversionem comperimus evidenter in dicto utramque partem amicabiliter concordarunt signa metalia erigi faciendum. Est autem distinctio territoriorum talis: Supra lignum fagorum Arnoldi, quod Arnolsbochols dicitur tria metalia signa sunt erecta. Primum metale signum versus orientem erectum pro villa Ladislai indicat; secundum versus meridiem ad Holbalegen et tertium ad villam Walthwden. Insuper de aquaeductu istorum trium metalium signorum post aquaeduetum in ripam quae a Walthwdia decursum habet in defluxu aquae ad infra quaedam collis situatur ibi duo sunt signa metarum, quae metae Wallhwdiam et Holbalegen distinguunt deinde sursum tendentes quatuor signa usque ad rubum sunt erecta duo ad Holbalegen pertinent et alia duo ad Wallhwdiam. Tunc vero iuxta rubum procedentem supra montem duae metae habentur mediantes territoria villarum ambarum, deinde per lignum fagorum waywodae scilicet des Waydenbuchols super vetera metalia signa usque ad semitam in feneta Schars ibi distinctio et reambulatio territoriorum terminatur. Facta igitur reambulationem et distinctionem praenarratorum territoriorum iuxta modum praemissum utraque pars nec metu [S. 488] nec coactione aliqua intercedente sed de pura voluntate et consensu contenta permansit. Unde tam pro parte Walthudiensium quam Holbalegiensium nobis per eosdem supplicabatur ut descriptae reambulationis¹⁾ et erectionis metalium signorum modo quo supra literas nostras privilegiales quae futurum errorem controversiae temporibus in successu excludere valeant conferre dignaremur ad cautelam. Nos iustis et consonis precibus inclinati annuentes praesentes literas senioribus et hospitibus universis de Holbalegen quarum continentias et tenorem per omnia senioribus et hospitibus de Walthwdia provinciali nostro sigillo roboratas fecimus emanari duximusque concedendum; decernentes omnes literas veteres pro distinctione memoratorum loquentes amplius et deinceps si aliqua partium talem vel tales reservaret vel haberet nullius esse roboris et momenti. Insuper statuendum duximus, quod si qua partium de peracta distinctione territoriorum litem vel rixam quomodolibet in futuris²⁾ temporibus facto vel verbo suscitaverit ipso facto pars rixam et dissensionem suscitans poena decem marcarum fini argenti irremissibiliter persolvendum provinciali camerae condempnata sit et convicta. In quorum omnium memoriam perpetuamque firmitatem praesentes literas pendente sigillo noslro fecimus communiri. Datum Cibinii die festo beatae Barbarae virginis et martiris, anno domini millesimo quadringentesimo trecesimo secundo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 486, keine auf S. 487, 1-2 auf S. 488.^{^}
[S. 486]
1) Vorlage: sibipsis.^{^}
[S. 487]
1) Vorlage: reamblacionis.^{^}
2) Vorlage hierauf: tpibus.^{^}