Urkunde Nr. 2173 aus Band IV

Seite im UB:

498-500 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 67.

Druckvorlage:

nach Original

Abdruck als:

Volltext

Sprache:

Latein

---

2173

Suceava 1433 April 9 ^b) Elias, Woiwode der Moldau, sichert den Kaufleuten der Sieben Stühle Handelsfreiheit zu und setzt die zu entrichtenden Zölle fest. [S. 499]

Elyas dei gratia vaivoda et dominus terrae Moldawyensis universis et singulis ortodoxae fidei cultoribus, praesentibus pariter et futuris notitiam praesentium habituris harum serie volumus fieri manifestum, quod accedentibus nostri in conspectum circumspectis ac honestis viris, Jacobo magistro civium, Gasparo et Johanne civibus civitatis Cybiniensis in eorum necnon septem sedium Saxonicalium terrae Transsiluanae personis, videlicet eiusdem Cybiniensis, Segesvariensis et de Ozd, Lwchskyrh, ¹⁾ item Sebessyiensis, de Senk, Warasyiensis et de Zerdahel appellatis, supplicantes nobis, ut quia esset eorum rationabile propositum, terram dominii nostri certis ipsorum mercibus negotiandi causa visitare, quatenus pro ipsorum securitate ac rerum eorundem mercimonialium tranquillitate de et super tributis solvendis generosam cum eis faceremus concordiam. Volentes igitur tam terrae nostrae utilitati quam eorum commodo et securitati providere ex certa nostra scientia ac nostrorum baronum maturo consilio et praefatorum honestorum civium beneplacito talem concordiae unionem de et super solvendis nostri tributis fecimus immo facimus per post duraturis, quod cum dicti cives ac universi alii mercatores dictarum²⁾ sedium aut alter eorum quicumque cum eorum venalibus seu mercibus terram dominii nostri subintraverint, ex tunc in oppido nostro Egydhalma computatis eorum rebus venalibus de qualibet marca dent quatuor grossos monetae terrae nostrae pro tributo, similiter habita negotiatione dum ad propria revertuntur alios quatuor grossos de marca, et in exitu graniciei de uno equo duodecim grossos ac de una caballa sex grossos. Item de uno bove vel vacca duos grossos, praeterea in quacumque civitate vel oppido nostro negotiati fuerint quantum vendent similiter de marca duos grossos. Quod si ibidem vel alibi boves vel vaccas comparaverint, debent solvere singulos duos grossos pro uno pecore vel pecude et pro equo sex grossos. Item pro scriptura equorum, pecorum vel pecudum singulum unum grossum solvere teneantur. Ceterum ubicumque in terra dominii nostri ambulaverint negotiari non valentes, de eorum rebus nihil dent. Si autem quacumlibet negotientur de marca [S. 500] solvant ut supra. De paratis autem auro vel argento penitus nihil tenebuntur. Ad quae praemissa observanda sub nostra ac dilecti filii Romani necnon carissimi Stechko fratris universorumque baronum nostrorum fidei constantia nos obligamus. In cuius rei testimonium praesentibus sigillum nostrum eisdem sedibus per post et irrevocabiliter duraturis iussimus subappendendum. Datum Zwczawye, die Aprilis IX, anno domini M^o CCCC^o XXX III^o.

Auf der Plica von einer Hand des 16. Jahrhunderts: Tributaria Moldauiensium mercantiarum.


a) Erster Seitenumbruch nach Kopfregest.^{^}
b) Ausstellungsort im UB als: Sutschawa.^{^}

1) r über у geschrieben.^{^}
2) Über der Zeile nachgetragen.^{^}