Urkunde Nr. 2186 aus Band IV

Seite im UB:

510-512 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 818 - Abt. 20: K. A. Hahnbach [Parohia Ev. CA Hamba], Nr. 1.

Druckvorlage:

nach Original

Abdruck als:

Volltext

Sprache:

Latein

---

2186

Hermannstadt 1433 Dezember 16 Die Sieben Stühle entscheiden einen Streit zwischen den Gemeinden Hahnbach und Gross-Scheuern um das Nutzungsrecht an der Gemeindeweide, um das Recht der Bewohner von Hahnbach darauf Rodungen vorzunehmen und um die freie Zufahrt der Gross-Scheuerner zu ihrem Wald.

Nos iudices et universi seniores et consules iurati septem sedium Saxonicalium partium Transsiluanarum memoriae commendantes tenore praesentium significamus quibus expedit universis, quod accedentes in conspectum nostrae universitatis providi et honesti viri Nicolaus Joebel villicus, Heydenricus Geysel, Nicolaus Wolff, Nicolaus Schoo&e& b, [S. 511] Nicolaus gener Hillen et Nicolaus Schurbff¹⁾ et ceteri²⁾ seniores et hospites suis et singulorum hospitum de Hanebach in personis, dum nos consuetudine laudabiliter approbata Cibinii³⁾ convenissemus discussuri varias querulantium et litigantium causas pro tribunali sedentes nobis querulose plurimum detegere curaverunt, quomodo seniores et hospites de Magno horreo commetanei sui circa pascua utrisque communitatibus et pecoribus communia et dudum per provinciales adiudicata cum quibusdam aliis iuribus ambas communitates legitime concernentibus et unius ad alteram communitatem abstrahere et auferre dumtaxat sibi ipsis et suis hospitibus et incolis usurpando, tenendo et habendo in praeiudicium et derogamen iurium dictorum hospitum de Hanebach conarentur. Quo audito providi viri Johannes Olarth villicus, Jacobus Lencz, Petrus Slawn, Johannes Wolbar, Johannes Kugler, Stephanus Jerlach et quamplures seniores et hospites Magni horrei pro se et incolis eiusdem responderunt ex adverso constanter, propositionem et querelam negantes. Replicantibus autem senioribus et hospitibus de Hanebach contra negationem partis adversae, literas provincialium super huiusmodi adiudicatione et sententia velut proposuerunt emanatas, quarum rescriptum se habere allegabant exhiberi et offerri postularunt. Ad quorum replicationem seniores de Horreo sibi nihil constare de literis asserebant. Sed cum huiusmodi literae utraque parte ignoranti velut comperimus Cibinii habitae et retentae fuissent, recepta notitia de literis exhibebantur. Post quarum oblationem iurium praerogativas et proprietates utriusque villae et unius ad aliam evidenter comperimus in hunc modum, quod seniores et hospites Horrei maioris per propria ipsorum campestria loca sui territorii ad potandum pecora sua et armenta in Schuerczensiffen pellendo dirigere habent sub cautela, ut ex huiusmodi pulsione armentorum ad aquam senioribus et incolis villae Hanebach nullum damnum in frugibus inferatur,⁴⁾ gramina quoque et pascua provenientia in communi, qui locus Gmeyn appellatur unacum arundineto ambarum villarum communitatibus et unicuique hospitum earundem primo venienti pertinerent, qui ipsis pascuis et arundine uti velit. Insuper cum ibi salicta quaedam habeantur hospites de Hanebach hanc habent praerogativam, quod quidquid eradicando talibus in salictis possunt absque securi et ligone ad medium vel integrum iugerum excolere et sulcare, plenariam habent potestatem. Cum autem praefatarum communitatum territoria contigua sint, ita et vicina suis in rubetis et silvis, ut non faciliter signanter de Horreo maiori ad ipsorum silvam pro lignorum conductione possit perveniri, quando per quandam territorii portionem suorum comme- [S. 512] taneorum de Manebach gradi et proficisci contingat, haud dubie et secure hospitibus et incolis Horrei maioris liberam viam per quam rubeta sua et silvam pro succisione et conductione propriorum lignorum introirent comperimus concessam expressata conditione tali, quod eorundem iumenta ut equi aut boves currum vel currus trahentes non deficientibus pascuis pascantur, sine graminis tamen eductione. In casu autem, quo pabulum crevisset sub defectu aut defectuose hospites de praenominata villa Horrei per campum Floer caute et trenate suos equos et boves in curribus conservare et non libere transire permittere tenebuntur, ut ex hoc damna hospitum de Hanebach praeserventur. Etiam hospites memorati de Hanebach pro suorum pecorum et pecudum nutrimento in praedicto campo Flor gramina relinquentes aut alter eorum pro se relinquens velut segetes teneri debent sub prohibitione pro ambarum itaque communitatum commodo et utilitate iuxta aliarum literarum nostrarum continentias sicut et praescripta comperimus evidenter et istud, quod peracta messe bladisque et segetibus introductis de agris pecora simul et pecudes utrarumque communitatum memoratarum villarum in invento arvo videlicet broch contradictionis controversia postposita custodiri debent¹⁾ simul¹⁾ et pasci. In quorum evidentiam perpetuamque firmitatem literas²⁾ nostras provinciali nostro sigillo consignatas senioribus et hospitibus praememoratis³⁾ de Hanebach³⁾ duximus concedendas. Quarum quidem literarum continentias et tenorem seniores et hospites de Magno horreo⁴⁾ de verbo ad verbum et sine diminutione sub pendenti nostro sigillo pariformiter a nobis reportarunt. Datum Cibinii, feria quarta quatuor temporum post festum beatae Luciae virginis, anno domini millesimo quadringentesimo tricesimo tertio.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-4 auf S. 511, 1-4 auf S. 512.^{^}
[S. 511]
1) Vorlage: Schurbff; von späterer Hand dem Namen ein 9 hinzugefügt. 1546: Schurbffer.^{^}
2) Vorlage: cetera.^{^}
3) Vorlage: Cibini.^{^}
4) Vorlage: inferetur.^{^}
[S. 512]
1) Zweites (Grosscheuerner) Orig.: simul debent. [2x]^{^}
2) Zweites (Grosscheuerner) Orig. hierauf praesentes statt nostras.^{^}
3) Zweites (Grosscheuerner) Orig.: saepememoratis de Magno horreo. [2x]^{^}
4) Zweites (Grosscheuerner) Orig.: de Hanebach.^{^}