Urkunde Nr. 2194 aus Band IV

Seite im UB:

520-522 ^a)

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 39.

Druckvorlage:

nach Original

Abdruck als:

Volltext

Sprache:

Latein

---

2194

Gran 1434 April 23 Martin, der Vikar des Erzbischofs von Gran, erteilt dem Dekan des Burzenländer Kapitels verschiedene geistliche Vorrechte auf die Dauer eines Jahres.

Martinus praepositus ecclesiae collegiatae beati Georgii martyris de Viridi campo, archidiaconus cathedralis et canonicus ecclesiae Strigoniensis necnon de speciali reverendissimi in Christo patris et domini, domini Georgii archiepiscopi Strigoniensis locique eiusdem comitis perpetui, primatis et apostolicae sedis legati nati officium vicariatus tenens ac generalis causarum auditor in spiritualibus deputatus dilecto nobis in Christo honorabili viro domino.. decano Brasso- [S. 521] uiensi Strigoniensis dioecesis salutem in domino sempiternam. Cum vos propter loci magnam distantiam ac viarum pericula pro sacris liquoribus, videlicet chrismate et oleo sancto ecclesiasticis sacramentis vobis et ceteris christicolis in et sub vestro decanatu degentibus necessariis hominesque utriusque sexus in et sub eodem decanatu vestro existentes pro debitis confessionibus et absolutionibus habendis in casibus episcopalibus huic sanctae sedi Strigoniensi a canone sive per constitutiones synodales specialiter reservatis ac ad ecclesiasticos ordines promoveri desiderantes pro recipiendis ipsis ordinibus, prout vestri ex parte nobis exponitur, ad dictam hanc sanctam sedem Strigoniensem accedere non possitis nec possint, а nobis humiliter postulastis, ut de et super praemissis vobis et vestris praedictis de remedio providere dignaremur opportuno. Et quia ad ea quae salutem concernunt animarum¹⁾ favorabiliter inclinari et intendere debemus vestrisque iustis in hac parte petitionibus benigne annuentes vobis pro praedictis sacramentis petendis et recipiendis ad quemcumque malueritis catholicum episcopum vobis proximiorem gratiam et communionem dictae sedis apostolicae habentem pium recursum habendi et ipsa sacramenta ab eodem recipiendi et ipsis receptis ceteris²⁾ dicti vestri decanatus parochialium ecclesiarum plebanis eadem sacramenta distribuendi ac generaliter utriusque sexus homines sub antedicto vestro decanatu constitutos et existentes in casibus praefato domino nostro, domino Georgio archiepiscopo et huic sanctae sedis suae generaliter a canone vel per synodales constitutiones specialiter reservatis, per vos vel alios ad id specialiter depulatos absolvendi ac poenitentias salutares ipsis confitentibus pro modo culpae imponendi necnon quibuscumque in districtu praedicti vestri decanatus existentibus, cupientibus ad aliquos ecclesiasticos ordines promoveri, ut a quocumque antistite catholico, ut praefertur, dictae apostolicae sedis communionem et gratiam habenle, voluerint, dummodo ad id examinatione praehabita idonei reperti fuerint aliudque canonicum super his ipsis non obstet, super quibus vestram et ordinantis conscientias oneramus, ut ad omnes ecclesiasticos ordines etiam usque ad presbyteriatus ordinem inclusive possint ac valeant debitis et statutis a iure temporibus promoveri et ipsos ordines licite recipere, auctorilatem et licentiam ac dimissorias literas ipsis dando tenore praesentium auctoritate dicti domini nostri archiepiscopi nobis in hac parte commissa, duximus concedendum et concedimus per praesentes, secundum quod alias per hanc sanctam sedem Strigoniensem super praemissis vobis et praedictis vestris decanatui vestro subiectis concedi consuevit, nisi ipsi casus adeo ila graves essent et enormes, super quibus dicta sedes merito fieret consulenda. ac debitis poenitentiis ipsis absolutionem iniungendam vestram et alio-[S. 522] rum plebanorum in dicto vestro decanatu existentium, per vos pro audiendis confessionibus et absolutionibus impendendis deputandorum conscientias oneramus. In quorum omnium et singulorum fidem et testimonium praemissorum praesentes literas nostras fieri sigilloque venerabilis viri domini Nicolai, decretorum doctoris, cantoris, canonici et vicarii ecclesiae Strigoniensis praedictae appressione, quoad praesens utimur communitas vobis duximus concedendas usque ad sanctam synodum in ecclesia Strigoniensi supradicta in proximo celebraturam easdem decernentes solummodo valituras. Datum Strigonii in sancta synodo in festo beati Adalberti martyris et pontificis, anno dominicae incarnationis millesimo quadringentesimo tricesimo quarto, pontificis sanctissimi in Christo patris et domini nostri domini Eugenii divina providentia papae quarti, anno¹⁾ quarto.

Auf der Rückseite von gleichzeitiger Hand: . . . . Pro dominis de Brassouia.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 521, 1 auf S. 522 (dortige 2 zu nach-nachfolgender Urkunde »2196).^{^}
[S. 521]
1) Über der Zeile nachgetragen.^{^}
2) Hierauf vr durchgestrichen.^{^}
[S. 522]
1) Hierauf ter getilgt.^{^}