Urkunde Nr. 2198 aus Band IV

Seite im UB:

523-525 ^a)

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 153.

Druckvorlage:

nach Abschrift

Abdruck als:

Volltext

Sprache:

Latein

---

2198

Gran 1434 Juni 3 Erzbischof Georg von Gran schaltet die Urkunde König Sigmunds von 1434 Nr. »2192 ein und ersucht die Dekane des Hermannstädter und Burzenländer Kapitels, den Anordnungen der von ihm mit der Einhebung des Zwanzigsten betrauten Kanoniker Michael und Johannes Folge zu leisten.

[S. 524] Georgius miseratione divina archiepiscopus ecclesiae Strigoniensis locique eiusdem comes perpetuus, primas et apostolicae sedis legatus natus, per serenissimum et invictissimum principem et dominum dominum Sigismundum imperatorem semper augustum et dominum nostrum et regem naturalem ad sublevandam et percipiendam vigesimam partem proventuum omnium beneficiorum ecclesiasticorum infra limites coronae regni sui Hungariae pro exstirpatione et eradicatione haereticorum hussitarum Bohemorum, fidem catholicam et signanter hoc regnum Hungariae impugnantium, specialiter constitutus et deputatus honorabilibus et discretis viris dominis N. Cibiniensi et Brassouiensi decanis¹⁾ ceterisque plebanis et ecclesiarum parochialium rectoribus in et sub eisdem decanatibus constitutis nostraeque Strigoniensi dioecesi et iurisdictioni subiectis, veris fidelibus regiae maiestatis ac pacem et statum tranquillum regni Hungariae patriaeque propriae liberationem affectantibus salutem in domino ac mandatis seu voluntati praefati domini nostri regis naturalis ex dispositione et statuto sacrosancti concilii Basiliensis universalem ecclesiam repraesentantis procedentibus firmiter oboedire. Noveritis, nos literas praefati serenissimi imperatoris et regis causa sublevandi et percipiendi vigesimam partem proventuum omnium beneficiorum ecclesiasticorum causis ex praemissis impendorum²⁾ omni cum reverentia fideliumque obsequiorum per nos regiae maiestati praestandorum ac mandatorum eiusdem ad impletionem recepisse in haec verba. (Folgt die Urkunde König Sigmunds von 1434 Nr. »2192.) Nos itaque omnem sollicitudinem et diligentiam iuxta formam mandati praemissi regiae maiestatis apponere cupientes et praemissa cum effectu, quantum in nobis consistit, adimplere volentes, per impositionem et d[ation]em vigesimae partis omnium proventuum beneficiorum praemissorum duximus eligendum et deputandum ac eligimus et deputamus honorabiles viros dominos Michaelem custodem et Johannem baccalaureum, archidiaconum Neugradiensem nostrae Strigoniensis et vestrae Transsiluanensis ecclesiarum canonicos, de quorum legalitate et fidelitate plenam gerimus fiduciam et habemus, quos in medium vestrarum dilectionum et omnium aliorum beneficiatorum infra limites praefatorum decanatuum nostrae scilicet dioecesis existentes duximus destinandos, dando eisdem certas instructiones et dispositiones de modo imponendi. dicandi et exigendi dictam vigesimam partem proventuum beneficiorum. Quas instructiones cum consilio praelatorum, reverendi patris domini Clementis episcopi Jauriensis et magnifici Laurentii de Hederwar et cetera ac aliorum praelatorum nobiscum nunc in proxima congregatione generali Budae circa festum Penthecostes³⁾ celebrata existentium fecimus, dis- [S. 525] posuimus et conclusimus. Quare dilectionum vestrarum in ipsa nostra dioecesi affectiones et fidelitates coniunctim vel divisim qua regiae maiestati astringi et obligari fore dinoscimus, requirimus et hortamur diligenter, quatenus dum et quando praemissi nostri nuntii per nos deputati in medium vestri venerint, ex tunc eosdem caritative suscipiatis omniaque secundum instructiones ipsis datas, quas sub sigillo nostro exhibebunt uti veri fideles regiae maiestatis et propriae patriae liberationem affectantes, effectualiter adimplere et perficere studeatis dictisque nostris nuntiis seu deputatis praemissis de expensis convenientibus, quamdiu in praemissorum exactione in ipsa nostra dioecesi fuerint et cum quibus extra dioecesim ad nos reverti poterint, attenti qualitates¹⁾ temporum et distantiam loci iuxta deliberationem sacri concilii Basiliensis in praemissa litera regiae maiestatis expressatam, providentes. Datum Strigonii, octavo die festi corporis Christi, anno eiusdem millesimo quadringentesimo tricesimo quarto.

Auf der Rückseite von der gleichen Hand: Copia exactionis vigesimae partis a rege Sigismundo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-3 auf S. 524, 1 auf S. 525 (dortige 2 zu nachfolgender Urkunde).^{^}
[S. 524]
1) So Vorlage.^{^}
2) Lücke von 0.5 cm.^{^}
3) Mai 16.^{^}
[S. 525]
1) Vorlage: qualitates [Abkürzungsstrich über zweitem a].^{^}