Urkunde Nr. 2208 aus Band IV

Seite im UB:

537 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

2208

Năoiu (Novoly) 1434 November 18 Roland Lepes, Vizewoiwode von Siebenbürgen, ersucht das Weissenburger Kapitel, bei der Einführung des Klemens und Dominikus, der Söhne des Ladislaus von Madaras, in den Besitz eines Teiles von Klein-Alisch mitzuwirken.

Amicis suis honorandis capitulo ecclesiae Transsiluanae Lorandus Lepes de Varaskezy vicevaivoda Transsiluanus amicitiam paratam cum honore. Dicitur nobis in personis Clementis et Dominici filiorum Ladislai filii Emerici de Madaras, quomodo quaedam portiones ipsorum possessionariae videlicet tres partes mediae partis cuiusdam possessionis Kissevlews in comitatu de Kikellew existentis habitae apud manus alienas occupative haberentur, quae nunc legitima recaptivatione et sibi ipsis statuifactione plurimum indigerent. Super quo vestram amicitiam praesentibus petimus diligenter, quatenus vestrum mittatis hominem pro testimonio fide dignum, quo praesente Petrus filius Marci de Korogzenthmarthon vel Dominicus de Bord aut Gregorius de Zvchak aliis absentibus homo noster ad faciem praenominatae possessionis Kiszewlews vicinis et commetaneis²⁾ eiusdem universis inibi legitime convocatis et praesentibus accedendo recapiat easdem tres partes praescriptae medietatis eiusdem possessionis Kiszewlew recaptivatasque et ab aliorum possessionariis iuribus metaliter separatas et distinctas statuat easdem eisdem Clementi et Dominico iure ipsis incumbenti perpetuo possidendas, si non fuerit contradictum. Contradictores vero si qui fuerint citet eosdem contra memoratos Clementem et Dominicum nostram in praesentiam ad terminum competentem rationem contradictionis eorum reddituros. Et post haec huiusmodi recaptivationis et citationis seriem cum nominibus contradictorum et citatorum, si qui apparuerint, terminoque assignato nobis amicabiliter rescribatis. Datum in Nouay, octavo die festi beati Martini confessoris, anno domini millesimo quadringentesimo tricesimo quarto.

Auf der Rückseite vom Schreiber der Urkunde: Amicis suis honorandis, capitulo ecclesiae Transsiluanae pro Clementi et Dominico filiis Ladislai filii Emerici de Madaras recaptivatoria et citatoria. [S. 538]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 537 (1 zu voranstehender Urkunde).^{^}

2) Vorlage: 9mmetaneis.^{^}