Urkunde Nr. 2212 aus Band IV

Seite im UB:

545-547 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 70.

Druckvorlage:

nach Original

Abdruck als:

Volltext

Sprache:

Latein

---

2212

Pressburg 1435 März 12 König Sigmund verbietet den Zolleinnehmern in Ungarn und Siebenbürgen, von den Bewohnern der Sieben Stühle Zölle einzuheben.

Von der Kanzlei: Relatio domini Clementis episcopi Jauriensis.

Sigismundus dei gratia Romanorum imperator semper augustus ac Hungariae, Bohemiae, Dalmaciae, Croaciae et cetera rex fidelibus nostris universis et singulis tributariis et vicetributariis tam nostris regalibus et reginalibus, quam aliorum quorumcumque in terris scilicet et super aquis in regno nostro Hungariae et in partibus Transsiluanis ubilibet constitutis et existentibus praesentium notitiam habi- [S. 546] turis¹⁾ salutem et gratiam. Exponitur nobis pro parte universorum et singulorum Saxonum, civium, hospitum, mercatorum et incolarum tam²⁾ Cibiniensis et Zazsebes quam aliarum civitatum, oppidorum et villarum septem sedium Saxonicalium partium nostrarum Transsiluanarum praedictarum gravi cum querela, quod licet ipsi et eorum quilibet vigore efficacissimarum literarum et literalium instrumentorum per divos reges Hungariae et praesertim Geysam, Andream, Karolum et Ludowicum³⁾ reges, nostros scilicet praedecessores eis gratiose datarum et concessarum et per nostram maiestatem confirmatarum ab omni tributaria solutione de rebus tam mercimonialibus quam aliis quibuscumque in locis iam fatorum tributorum facienda exempti sint et supportati, tamen vos et nonnulli ex vobis, nescitur quo motivo ducti, in locis praedictorum tributorum a praedictis mercatoribus septem sedium Saxonicalium nostrorum ac rebus et bonis eorum contra praefatas eorum libertates et praerogativas tributum et solutiones tributarias plerisque vicibus exegissetis et exigeretis incessanter in ipsorum libertatis et praerogativae praeiudicium et derogamen⁴⁾ satis grande. Unde nos praedictos exponentes eorum libertatibus et praerogativis saepe dictis illibate et inviolabiliter uti, frui et potiri volentes, vestrae et cuiuslibet vestrum fidelitati firmissime praecipimus et aliud habere nolentes mandamus, quatenus alio nostro mandato exinde non exspectato a modo in antea a praefatis mercatoribus praedictarum septem sedium Saxonicalium nostrarum aut altero eorundem rebusque et bonis ipsorum tam mercimonialibus quam aliis quibuscumque contra formam praemissae eorum libertatis et praerogativae nullum tributum nullamque tributariam solutionem petere et exigere petique et exigi facere praesumatis et nec sitis ausi modo aliquali, alioquin commisimus et harum serie districte committimus fidelibus nostris comitibus vel vicecomitibus illorum comitatuum, in quibus huiusmodi nostra mandata non observarentur, ut ipsi transgressores⁵⁾ ipsorum mandatorum nostrorum ad plenariam observationem eorundem artius compellant et astringant auctoritate nostra ipsis praesentibus in hac parte attributa et iustitia mediante. Aliud ergo sub obtentu nostrae gratiae nullo modo facere praesumatis. Praesentes⁶⁾ etiam post earum lecturam⁷⁾ reddi iubemus praesentanti. Datum Posonii in festo beati Gregorii papae, anno domini millesimo quadringentesimo tricesimo quinto,⁸⁾ regnorum [S. 547] nostrorum anno Hungariae et cetera XLVIII^o, Romanorum XX quinto, Bohemiae XV^to, imperii vero secundo.

Unter dem Siegel: Relatio domini Clementis episcopi Jauriensis.

<ku<Am Rande links unten von gleichzeitiger Hand: Seycz 1437.

Auf der Rückseite wohl von einer Hand aus dem Ausgang des 15. Jahrhunderts: Erdel.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 545 (in Siegelbeschreibung), 1-8 auf S. 346.^{^}
[S. 545]
1) Vorlage p mit durchgestrichenem Unterschaft. [2x]^{^}
[S. 546]
1) Über der Zeile nachgetragen.^{^}
2) Hierauf in der Schässburger Ausfertigung: Segeswar über den Zeilenrand hinaus wahrscheinlich von der gleichen Hand nachgetragen.^{^}
3) Eine Mühlbacher Ausfertigung: Lodwicum; die zweite, sowie die Schässburger Ausfertigung: Lodouicum.^{^}
4) In der zweiten Mühlbacher Ausfertigung: gravamen.^{^}
5) Hierauf in der einen Mühlbacher und in der Schässburger Ausfertigung: huiusmodi nostrorum mandatorum.^{^}
6) In der zweiten Mühlbacher Ausfertigung hierauf: quoque statt etiam.^{^}
7) Schässburger und eine Mühlbacher Ausfertigung hierauf: semper.^{^}
8) In den übrigen Ausfertigungen durch römische Ziffern ausgedrückt.^{^}