Urkunde Nr. 2225 aus Band IV

Seite im UB:

566

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Archiv der Stadt Desch [Primăria Oraşului Déj], Urkunden

Druckvorlage:

nach Original

Abdruck als:

Volltext

Sprache:

Latein

---

2225

Pressburg 1435 April 25 König Sigmund erlässt den Bewohnern von Desch sämtliche über sie verhängten gerichtlichen Geldstrafen.

Von der Kanzlei: Commissio propria domini imperatoris.

Nos Sigismundus dei gratia Romanorum imperator semper augustus ac Hungariae, Bohemiae, Dalmaciae, Croaciae et cetera rex memoriae commendamus per praesentes, quod nos tum ad humillimae supplicationis instantiam fidelis nostri magnifici Michaelis Jakch Siculorum et certarum camararum salium nostrorum comitis per eum maiestati nostrae pro parte universorum et singulorum salicidarum et celleriorum ceterorumque populorum et habitatorum oppidi nostri Dees vocati porrectae tum etenim, quod iidem salicidae et cellerii eorum laboribus diligentius insistant, universa et quaelibet birsagia ac iudiciorum onera, in quibus ipsi in praesentiis vaivodae ac ceterorum iudicum et iustitiariorum partium nostrarum Transsiluanensium quomodocumque et adversus quoscumque ordine iudiciario convicti fuissent et aggravati, positionem dumtaxat iudiciariam concernentem, eisdem duximus gratiose remittenda et relaxanda, immo remittimus et relaxamus praesentium per vigorem. Quocirca vobis fidelibus nostris magnifico Ladislao de Chaak partium nostrarum Transsiluanarum praedictarum vaivodae aut tuas in iudicatu vices gerentibus cunctis etiam aliis earundem partium nostrarum Transsiluanarum iudicibus et iustitiariis et praesertim birsagiorum et iudiciorum exactoribus tam nostris quam aliorum quorumcumque praesentibus et futuris praesentium notitiam habituris firmissime praecipimus et mandamus, quatenus a modo in posterum annotatos salicidas et cellerios ceterosque populos et habitatores oppidi nostri Dees praedicti ratione praemissorum birsagiorum per nos ut praemittitur eis gratiose relaxatorum ad cuiusvis instantiam in personis, hereditatibus ac rebus et bonis eorum quibusvis intra et extra iudicium impedire, molestare seu quovis modo damnificare nusquam et nequaquam praesumatis nec sitis ausi modo aliquali. Et aliud contra formam praemissae nostrae gratiae eis factae facere non ausuri. Praesentes quoque post earum lecturam¹⁾ reddi iubemus praesentanti. Datum Posonii, in festo beati Marci evangelistae, anno domini millesimo quadringentesimo tricesimo quinto, regnorum nostrorum anno Hungariae et cetera XLIX, Romanorum XXV, Bohemiae XV, imperii vero secundo.

Unter dem Siegel: Commissio propria domini imperatoris. [S. 567]


1) Vorlage: lecturas.^{^}