Urkunde Nr. 2235 aus Band IV

Seite im UB:

576-577

Druckvorlage:

nach Original

Abdruck als:

Volltext

Sprache:

Latein

---

2235

1435 Juni 25 Das Grosswardeiner Kapitel bezeugt, dass Abt Anthonius und der Konvent von Kolozsmonostor gegen Stephan, den Sohn des Ladislaus von Losoncz, wegen der Errichtung einer Mühle und Aneignung von Ackerland in der Klosterbesitzung Abalina^a) / Abafája Einsprache erhoben haben.

Nos capitulum ecclesiae Waradiensis memoriae commendamus, quod Georgius de Zomordok in personis religiosi viri domini fratris [S. 577] Anthonii abbatis et conventus monasterii beatae Mariae virginis de Clusmonostra ad nostram veniens praesentiam per modum protestationis et prohibitionis nobis significare curavit in hunc modum, quomodo egregius Stephanus filius Ladislai filii quondam bani de Lossoncz in anno, cuius circa tempus septuagesimale praeteriisset revolutio, per quosdam duos iobagiones suos videlicet Andorman sartorem et Johannem Hoofgreph in Regen commorantes intra metas possessionis praefati monasterii beatae Mariae virginis Abafaya vocatae in fluvio Morosy quoddam molendinum construi fecisset, per cuius constructionem tam ipsum locum molendini quam aliarum terrarum arabilium magnas partes praefatae possessionis Abafaya occupari fecisset ipsisque et eorum monasterio maximum damnum intulisset inferrique faceret in futurum graviora in praeiudicium iuris praefati monasterii et damnum valde magnum. Qua protestatione facta praenominatus Georgius de Zomordok nominibus quibus supra memoratum Stephanum filium Ladislai filii quondam bani ac praedictos suos iobagiones et alios quoslibet ab huiusmodi potentiaria constructione et conservatione praedicti molendini occupationeque quarumlibet terrarum praefatae possessionis Abafaya, usus, fructus et quaslibet utilitates earundem perceptione et percipifactione sibi ipsisque perpetuatione et perpetuefactione quomodolibet factis vel fiendis prohibuit lege regni requirente coram nobis. Datum sabbato proximo post festum nativitatis beati Johannis baptistae, anno domini millesimo quadringentesimo tricesimo quinto.


a) Nachtrag UB IV, Seite 726 statt Abalina.^{^}