Urkunde Nr. 2250 aus Band IV

Seite im UB:

593

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov].

Druckvorlage:

nach Original

Abdruck als:

Volltext

Sprache:

Latein

---

2250

Mediasch 1435 Dezember 7 Richter und Rat von Mediasch ersuchen den Rat von Kronstadt, ihrem Mitbürger Stephan Serator zu seinem Recht zu verhelfen.

Debitam complacendi voluntatem iugiter praemissam. Domini fautores praeamandi, proposuit nobis cum querela vir providus Stephanus Serator, lator praesentium, noster commansor, quomodo Johannes Hoppende vestrae civitatis civis ante festum beatae Margarethae virginis proxime praeteritum¹⁾ pro uno floreno Hungaricali Brasschouiae duo vasa vinaria nova vellet comparare, et sibi sine delatione ante festum sancti Michaelis²⁾ destinare promisisset. Praedictus itaque Stephanus dicto Johanni, non alteri, in manus fideles dictum aureum donavit. Praenominatus vero Johannes quod spopondit, facere non curavit, sibi in praeiudicium et gravamine satis magnum. Insuper praenarratus Johannes Hoppende coram nobis asseruit, se dictum aureum non assumpsisset, sed Nicolaus Sawrkuch illo modo dictum aureum recepisset, demum assumpsit, quod dictum Nicolaum informare vellet ad satisfactionem, quod nunc fecit. Quapropter vestras flagitamus sagacitates intimis precibus, quatenus saepedictum Johannem informare et edocere velitis nostrorum servitiorum ob respectum ad satisfactionem, ne plures resae et fatigae mihi prosequi videantur. Alioquin nostrum hominem in damno non permitti valemus faciendo. In his veluti nos vobis et vestris in simili vel maiori faceremus complacentiam. Datum in Megies, proxima feria quarta ante conceptionis virginis gloriosae, anno domini M^o CCCC^o XXX quinto.

Iudex ac universi iurati cives
oppidi Megies, vestri semper proni.

Auf der Rückseite Adresse: Prudentibus et circumspectis viris/ iudici necnon iuratis consulibus civitatis/Coronae, dominis et fautoribus nobis semper praeferendis.


1) Juli 13.^{^}
2) September 29.^{^}