Urkunde Nr. 491 aus Band I

Seite im UB:

446-447

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Archiv der Stadt Desch [Primăria Oraşului Déj], Urkunden

Druckvorlage:

nach Original

Abdruck als:

Volltext

Sprache:

Latein

---

491

Pressburg 1331 August 28 König Karl erlässt ein allgemeines Verbot gegen Beschlagnahme von Gütern und Personen von [Desch / ] Deés, bevor die betreffende Gerichtsverhandlung vor dem siebenbürgischen Woiwoden Thomas stattgefunden hat.

Karolus dei gratia rex Hungariae fidelibus suis universis comitibus, castellanis, nobilibus, comitatibus, tributariis in terra et in aquis deputatis, item liberis villis et villicis eorundem, item cuiusvis status et praeeminentiae hominibus, quocumque nomine censeantur, quibus praesentes ostendentur, [S. 447] et specialiter districtui de Zylag, item civitatibus de Zathmar et de Nympti salutem et gratiam. Noverit vestra fidelitas, quod quia fideles hospites nostri de Deeswar gravi querela porrecta saepius conquesti exstiterunt nostrae maiestati, ut per prohibitiones rerum et bonorum ipsorum personarumque eorundem in eorum processibus oppressionem non modicam paterentur et penuriam. Et regiae liberalitatis providentia, matura deliberatione praehabita, hanc gratiam eisdem duximus faciendam, ut nullus omnino hominum in regno nostro ubilibet ipsos et bona eorundem quovis praetextu possit et debeat prohibere, nisi prius in praesentia magnifici viri Thomae vaivodae Transiluani comitis ipsorum ex parte eorundem iustitia fuerit requisita. Igitur fidelitati universitatis vestrae firmissimis damus in praeceptis, quatenus a modo nullus ex vobis vel pertinentibus ad vos, aut in tenutis vestris, ipsos hospites nostros vel quempiam ex eisdem aut bona eorum quaelibet, ut praemisimus, quavis ratione audeat prohibere aut aliquod impedimentum indebitum irrogare. Si qui autem aliquid actionis contra ipsos aut aliquem ex ipsis habent vel habuerint, in praesentia ipsius Thomae vaivodae comitis ipsorum vel eius vices gerentium prius prosequantur. Qui si in reddenda iustitia tardi exstiterint, ex hoc evidenti testimonio poterit declarari, ex tunc tandem iniuriam patientes et damna, bona ipsorum prohibendi legitime habeant facultatem. Et ob hoc sicut nos offendere formidatis, secus nullatenus facere audeatis. Datum in Posonio, feria quarta proxima post festum beati Bartholomaei apostoli, anno domini M^o. CCC^o. XXX^mo primo.

Auf der Rückseite unter dem Siegel: Relatio Thomae vaivodae mediante magistro Pethew cancellario suo.