Urkunde Nr. 2268 aus Band IV

Seite im UB:

612-613

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

2268

Brenndorf 1436 August 31 Bischof Georg von Siebenbürgen, Michael Jakch, Comes der Sekler und der Vizewoiwode Roland Lepes fordern die Bewohner Kronstadts und des Burzenlandes auf, sich mit ihnen über die dem Woiwoden der Walachei Vlad zu leistende Hilfe zu beraten.

Nos Georgius episcopus, Michael Jakch comes Siculorum et Lorandus vicevaivoda Transsiluani vobis universis iudicibus, iuratis, senioribus et universis hospitibus Saxonibus Brassouiae et eius districtibus simul cum terrae Burciae ubivis constitutis et commorantibus salutem cum favore. Quia feria quarta proxime praeterita¹⁾ е vestri medio in totius vestrae universitatis legationibus quibusdam, certis personis coram nobis constitutis, sicuti oretenus explicaverimus literas domini nostri imperatoris graliosissimi, vigore quarum et auctoritate in eisdem interserta exercituantium morem de nostris vel nostrum alterius commissionibus assurgere debetis nobis in specie repraesentare, ideo sic praesentibus iniungimus, quatenus dominico die proxime veniente²⁾ seu affuturo matura informatione eruditos, iudicem et potiores seniores Brassouienses simulcum е vestrae universitatis medio hospitibus, notabilibus adeo vestris intentionibus expertos, huc ad nos transmittere debeatis, ut finali conclusione super levationem praesentis exercitus е vestri medio pro succursu domini Wlaad vaivodae partium Transalpinarum fiendam, quemadmodum habetis de auctoritate dictarum literarum domini nostri a nobis, in commissis nobis respondere valeant atque possint. Praefatos itaque literas domini nostri per eosdem nobis in specie praesentandas remittatis. Ex eo denique, quod deus avertat, ubi per invigilem curam vestrae universitatis et non sollertem levationem exercitus vestri quid adversitatis in commoditate totius regni et [S. 613] specialiter confinium ipsius domini nostri forte occurret, praesentes erga vos reservetis ut dum in praesentia ipsius domini nostri nostris pro expeditoriis super vestrae universitatis praesenti amonitione petituri fieremus nobis in specie repraesentare valeatis. Datum in Bothfalua, in vigilia festi beati Egidii abbatis, anno domini M^o CCCC^o XXX^o sexto.


1) August 29.^{^}
2) September 2.^{^}