Urkunde Nr. 2269 aus Band IV

Seite im UB:

613-615

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

2269

Prag 1436 September 3 bis 7 König Sigmund befiehlt den Bewohnern des siebenbürgischen Bistums, ihrem Bischof den Zehnten in neuem Gelde zu bezahlen.

Von der Kanzlei: Relatio Emerici de Marczali magistri curiae.

Sigismundus dei gratia Romanorum imperator semper augustus ac Hungariae, Bohemiae, Dalmaciae, Croaciae et cetera rex fidelibus nostris universis et singulis baronibus, nobilibus et alterius cuiusvis status, gradus et conditionis hominibus sub iurisdictione decimationis episcopatus ecclesiae Transyluanae in quibusvis comitatibus ubilibet constitutis et existentibus praesentes visuris salutem et gratiam. Gravem querelam pro parte reverendi in Christo patris domini Georgii episcopi praedictae ecclesiae Transyluanensis maiestati nostrae porrectam accepimus, continentem, quod nonnulli forent ex vobis, qui dei timore postposito decimas frugum et bladorum ac quarumlibet aliarum rerum decimari consuetarum, vestri parte seu de vestris possessionibus atque bonis praefato domino episcopo prompta et parata in pecunia provenire debentes eidem seu suis decimatoribus ad frequentes eorundem requisitiones, nonnunquam etiam interdictum ecclesiasticum in possessionibus locis vestris propterea impositum ecclesiasticamque censuram, indurato animo pertinaciter sustinendo nec cum maiori nova nostra moneta, quae nunc in dicto regno nostro Hungariae cuditur et neque cum alia moneta nostra quartling appellata, ad computum et valorem praetactae maioris nostrae monetae, prout scilicet secundum formam decreti nostri una cum praelatis et baronibus ac regnicolis nostris super solutionibus censuum regalium et reginalium necnon ecclesiarum nobiliumque ac possessionatorum hominum quorumcumque, alias et etiam pridem editi et stabiliti decimae solvi deberent, in quibusdam retroactis temporibus et annis extradare et solvere per eorumque populos et iobbagiones extradari et persolvi facere recusassent et recusarent etiam [S. 614] in futurum, quod in nostrae maiestatis displicentiam et salutis animarum ipsorum dispendium praefatique domini episcopi praeiudicium et proventuum diminutionem cedit multum grande. Supplicatum itaque exstitit nostrae maiestati humiliter et devote in persona praedicti domini episcopi, ut sibi exinde de remedio providere dignaremur opportuno. Et quia decimae in patrimonium crucifixi deputatae tam ex divinae legis praecepto, quam etiam de regni nostri approbata et ab antiquo observata consuetudine per quemlibet christianum dari debent atque solvi huiusmodique decimas secundum formam praemissi nostri decreti antefato domino episcopo per vos extradari volumus et administrari, ideo fidelitati vestrae firmiter praecipientes mandamus, quatenus habita praesentium notitia, ulteriori nostro mandato superinde non expectato, omnibus etiam occasionibus, difficultatibus et dissimulationibus in hac parte postpositis, praetactas decimas, tam scilicet per vos seu vestros iobbagiones antefato domino episcopo seu suis decimatoribus hactenus non solutas et extradari neglectas, quam etiam a modo in posterum temporibus et terminis opportunis eidem provenire debentes ipsi domino episcopo seu suis decimatoribus per ipsum ad id deputatis plenarie et ex integro, contradictioneque et renitentia absque omni, cum praetacta maiori nostra moneta, cuius scilicet centum denarii unum florenum auri valent ex quibusque unus denarius semper et ubique pro uno dumtaxat denario nominari et computari debet, seu quosque eadem multiplicabiliter, cum antedicta una moneta nostra quartling appelata secundum valorem iam fatae maioris nostrae monetae extradari et persolvere per annotatosque vestros populos et iobbagiones extradari et persolvi facere modis omnibus debeatis. Qui si feceritis bene quidem, alioquin commisimus et harum serie districtius committimus fidelibus nostris comitibus vel vicecomitibus et iudicibus nobilium illius vel illorum comitatuum, in quo vel in quibus praedicta nostra mandata forsitan non observarentur, ut ipsi per vestri et vestrum quemlibet iuxta vim, formam et tenorem praedicti novi nostri decreti contra non solventes decimas stabili[ti]¹⁾ de singulis possessionibus et villis, quae per unius mensis spatium interdictum ecclesiasticum pro non solutione huiusmodi decimarum temporibus solitis impositum, animo indurato tollerando, easdem decimas solvere recusaverint, mox elapso ipsius mensis spatio talismodi decimas cum singulis tribus marcis birsagialibus pro se indilate exigendis praelibato domino episcopo seu suis decimatoribus antedictis absque dilatione et defectu aliquali extradar[i et persolvi]²⁾ facere teneantur, nos[trae maiestatis]²⁾ in persona et auctoritate eis in hac parte specialiter attributa mediante. Secus facere non ausuri in praemissis, praesentibus perlectis exhibenti restitutis. Datum Pragae [ . ]³⁾ proxima post festum beati Egidii abbatis, anno domini [S. 615] М^o СССС^o XXX^o sexto, regnorum nostrorum anno Hungariae et cetera quinquagesimo, Romanorum vigesimo sexto, Bohemiae XVII, imperii vero quarto.

Unter dem Siegel: Relatio Emerici magistri curiae.


1) verderbt.^{^}
2) Lücke 2.4 cm. [2x]^{^}
3) Lücke 2.2 cm.^{^}