Urkunde Nr. 2273 aus Band IV

Seite im UB:

617

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 78.

Druckvorlage:

nach Original

Abdruck als:

Volltext

Sprache:

Latein

---

2273

1436 September 17 Das Weissenburger Kapitel beglaubigt die Urkunde König Sigmunds von 1435 Nr. »2217 mit dem Verbot an den siebenbürgischen Woiwoden, sich in Gerichtsangelegenheiten der Sieben Stühle einzumischen.

Capitulum ecclesiae Transsiluanae omnibus Christi fidelibus tam praesentibus quam futuris praesens scriptum inspecturis salutem in omnium salvatore. Ad universorum notitiam harum serie volumus pervenire, quod providus et circumspectus vir magister Jacobus civis ac notarius civitatis Cibiniensis in sua ac providorum et circumspectorum virorum universorum et singulorum iudicum, iuratorum, seniorum Saxonum et incolarum septem sedium Saxonicalium partium Transsiluanarum personis nostram veniendo in praesentiam exhibuit nobis quasdam literas privilegiales excellentissimi principis domini Sigismundi dei gratia Romanorum imperatoris semper augusti ac Hungariae, Bohemiae, Dalmaciae, Croaciae et cetera regis, domini nostri naturalis et metuendi duplicis sigilli sui appensione munitas, petens nos debita cum instantia, ut easdem transscribi et transsumi facere transscriptumque et transsumptum¹⁾ earundem sub nostro sigillo pendenti eisdem dare et concedere dignaremur iuris ipsorum uberiorem ad cautelam. Quarum tenor talis est. (Folgt die Urkunde König Sigmunds von 1435 Nr. »2217.) Nos itaque iustis et legitimis petitionibus ipsius magistri Jacobi suo ac nominibus quibus supra in hac parte nobis oblatis annuentes praescriptas literas dicti domini nostri imperatoris modo praemisso nobis exhibitas omni prorsus²⁾ suspicionis vitio destitutas transscribi et transsumi facientes transscriptumque et transsumptum earundem eisdem sub nostro sigillo pendenti duximus concedendum praemissam ad cautelam. Datum feria secunda proxima post festum exaltationis sanctae crucis, anno domini millesimo quadringentesimo tricesimo sexto. Honorabilibus et discretis viris dominis Demetrio praeposito, Georgio cantore, Michaele custode, Andrea archidiacono de Tylegd ac decano ceterisque canonicis dictae ecclesiae nostrae salubriter existentibus et devote. [S. 618]


1) Vorlage: transsuptum.^{^}
2) Vorlage: proorsus.^{^}